هئ ، مو هيك يا .... فهيمة ،
اذا العضو ما عم يحطّ المواضيع بمحلها ، بالتالي عم يصير " نقل " كل موضوع لمطرحو المناسب ...
يعني موضوع ضحك وتسالي ، ما رح يكون بالمنبر .ما ؟ محلـّــو عالطاير ...
وموضوع سياسي ، ما رح يكون مطرحو الصالون .. ما ؟ مطرحو - ع حسب المادّة اللي عم يحكي فيها - رح يكون يا اما السياسة يا اما المنبر يا اما الفساد ... ( انتي هون بتقدري انو الانسب بناء على نوع موضوعك )
في عندك بالصفحة الرئيسية
توصيف الاقسام ( شفيته شي ؟! )...
يعني كل اسم قسم في تحتو شي سطر سطرين شرح عن " ماهيــّة " القسم ، ونوعيّة المواضيع اللي بتندرج تحتو ..
الهدف من التوصيف ، مو زيادة الحكي ولا " لوك " جمالي للصفحة ، هئ .. الهدف انو ما يصير خربطة ..
بس مع هيك .. عم يصير ...
طيّب شو بنعمل ؟!
بدنا نضطرّ - لحتى يضلّ الموقع ماشي نظامي - انــّو ننقل كل شي لمحلّو ..
و وقت موضوعك معاييرو ما بتنطق ع معايير الصالون فرضاً ، من حيث انــّو لا هو نقاشي، ولا هو هادف، ولا هو ذا مغزى ... فـ مطرحو بيكون السقيفة ..
النقطة التانية ، ابداً ما رجعنا للموضوع الاساسي - متل مو انتي متوقعة - ...
في عالم صار هدفها السقيفة ،عم تسجّل دخول كرمال السقيفة ، بس بدها تحشش وتطئ حنك .. ( متل مو في عالم صاير هدفها المسابقات ، وعد للميّة بتربح هديّة
)
المهم ، انو هالعالم ما بدها من كل الموقع " بتنوّع اقسامو " غير السقيفة ...
هدول بئا ، لقو الشي اللي بيعجبون ، وبقيو فيه ،
في عالم - كمان من جماعة السقيفة - ، كانو مجمعين مشاركات بلاوي من ورا الحكي بولا شي ! ( انو بتحسّ الواحد داخل عالموقع بدو يكسر العداد للالف بظرف مدري كم يوم مشان يصير مكتوب تحت اسمو مستشار )
و لهيك وقت اللي ما عاد انحسبت مواضيع الدرجة التانية من عداد المشاركات اتدايقو وتركو ، اي معون حق... نزل عدادون للربع
اي نحنا شو ذنبنا بهالحالة !!؟ وخدي حلّيها اذا فيكي تحلّيها
