خصوصيتي اشبه بالمساحه الخاصه المحيطه بحياتي... واهميتها بتعادل بمقدارها اهمية حصولي على حريتي... اصلا مافي حريه بدون خصوصيه،
اي تعدي او اختراق لهي الخصوصي هو اختراق لل- territory تبعتي وعدم احترام لحريتي...
ما بظن انو في تاريخ انتهاء صلاحية لخصوصيتي... مابسمح انو حدا يحاول يسلبني هيك حق اساسي وصعب اترك اي انسان يتدخل بشؤوني (هذا في حال كنت انسانه مخيّره)... بالوضع الحالي القائم بعتبر حالي وللأسف مسيّره من قبل عدة عوامل بشوفها احيانا بتعطي لحالها اولوية التدخل بكل شارده ووارده بحياتي...
هلأ بالنسبه لضمان احترام خصوصيتي فأكيد اتكالي مارح يكون ع المجتمع لانو الطرف المنتهك لهاد الحق من الأساس... خصوصيتي ماحدا بيضمنلي ياها غير حالي، حتى لو الدوله ارادت حمايتها وسنت قوانين بتنص على عدم المساس فيها...
|