يمكن الواقع و الخيال... بصيرو واحد...عندك.. والمسافات بتقرب و بصير القلب واحد ..
النفس واحد.. بس بضل عم قول بيني وبين حالي ...لو كنتي جنبي كان الحلم أحلى و القبلة أشهى
لو... كلمة كتير سهلة.. لنقولها... بس وقت منرجع للواقع المر.. منفهمها أكتر و منتألم منها ألم لذيذ ممزوج بحسرة و شوق و رغبة.. و كأنو الروح عم تكزب عالجسد ليستمر بمشوار الألم و المعاناة .. والاشتياق ..
أكتر من مرة تمنيت لو كنت مو موجود بهالعالم القاسي .. لأنو بحس هالعالم دخيل عليي؟؟ أو أنا دخيل على هاد العالم ؟؟ سؤال صعب كتير ويمكن جوابو أصعب .. بس خلال لحظة بتصيري انتي العالم و انتي الكون و الحياة ..
بتصيري انتي الأمل .. أمل كتير بعيد بس من قلبي أقرب من حبل الوريد.. ليش بعد القلب شو بيبقى ؟ غير ذكرى ...
بس مع كل هالشي ..بتضل كلمة بحبك بتختصر كتير أشياء .. بتختصرني و بتختصر معنى الحياة
بحبك
سأصير يوماً ما أريد......(محمود دوريش)
لازم يضل شي جواتنا عم يقول لأ (مارسيل خليفة)
|