[أبي الحروف]

احنا اقل الشعوب باعا في تطور اللغة في علوم اللسانيات ، اللغات كلها كلها دون استثناء شيئ قابل للتطور و التوسع ، شيئ مرن يقبل التغيير و التعديل مع احتياجات العصر، و هذا الي بيخلي لغة متل الإنكليزي لغة عالمية وكل ما نها بتصير عالمية اكثر، (قدرتها على استيعاب التطور و ادخاله وفهرسته واشرفته من جديد ضمن اللغة دون ما يكون في مشكلة ..)

اما المشتغلين باللغة العربية في الوطن العربي والعربان، بعدهم عايشين بزمن امرء القيس وآكل المرار، و عمر بن كلثوم ..

ان كان ما يتم تداوله من لغة اليوم لا يتوافق وما نتعلمه بكتب اللغة العربية و ما كان يتم تداوله بسوق عكاظ و معلقات الجاهلية، فهذا لا يعيب لغتنا المعصارة وانما يعيــــــــــــــب كتب اللغة العربية، ومشتغلي اللغة العربية ومجامع اللغة العربية الي بعدها عايشة في حالة "تمنع" بعدهم مصرين انو اللغة هي ما قاله عمر بن كلثوم او الأعشى او النابغة الذبياني او لبيد بن ربيعة ..+ ما هو بالقرآن ،
وهذا خطأ شنيع ، اللغة العربية اكبر من شعراء الجاهلية، و شعراء المعلقات، واكبر من القرآن ..

ومحاولات اختزال اللغة العربية و الأصول اللغوية بالقرآن هيي الي بتحجم اللغة و هيي الي عم بتخلي الفجوة يوم عن يوم اعمق واكبر واوسع بين العامة و مراجع اللغة .. بين العرب والعاربة والناطقين بالعربية عامة ، و بين معاجم اللغة و المشتغلين باللغة ..

ما بيجوز هيك .. لازم ولا بد من نضج ما يسمح بإستيعاب التطورات الي عم تحصل باللغات الأخرى ..

ما بيعيب اللغة العربية لو الناس استخدمو مصطلح "كمبيوتر" في كتبهم ومراجعهم كمصطلح عربي _اصله انكليزي متل مافي مصطلحات وكلمات كثيرة بغير لغات اصلها لاتيني و سكسكوني و غيرو_
بس بيعيب اللغة العربية والعرب انو يكون في مصطحل هش تافه اسمو "حاسوب" من المفترض انه يوازي كمبيوتر ولا هوي يوازيه ولا يعبر عنه بشيئ .. وما حدى عم يستخدمو ؟؟

يعني مش الشطارة نعرب المصطلحات ، الشطارة انو تعرب المصطلحات بحيث يكون التعريب تبعها موازي بالفعل للمطلح و معبر عنه ، وقابل للتداول ، وخلاف ذلك رح يفضل يوم عن يوم الفجوة رح تكبر اكثر واكثر واكثر بين معاجمكم ولغتكم ...................................