في شي منحتاجو عنا بسوريا واللي هو التوعية الجنسية ومو المقوصود هو توعية توعية الناشئين جنسيا وبس وانما توعية الأهل في كيفية التعامل مع أولادهم بهذا الموضوع وهادا الأهم بنظري...
وحاليا في اختصاص طبي بالطب النفسي شغلتو هالشغلة والحكومات بتستعين فيهم باعطاء محاضرات بالمدراس ودورات توعية ....... الخ الخ (بس هالحكي طبعا مو عنا بسوريا لسا بكير على مهل ليش العجلة )
بس هادا مو يعني انو يجب القضاء عالانحراف 100% (فالانحراف شي ضروري بالبلد ومو بس بسوريا)
طبعا 100 واحد و600 وحدة بدهم ينطوا ويسألوني ليش؟؟
مشان وضح الفكرة رح اضرب مثال عن حالة انحراف:
خلينا نفترض أنو فتاة انحرفت واتعرفت على كزا شب وصارت تطلع وتواعد هالكزا شب...
فاذا أخدنا شب من هالكزا شب: ئبل مايروح يواعدها حيروح لعند الحلائ يظبط سكسوكتو ويسشور شعراتو (هي استفاد الحلائ) بعدين راح على محل الورد يشتري وردة مو حلوة وايدو فاضية ( وهي استفاد بياع الورد) ويعد مايئابلها بدو يطلع هو وياها بتاكسي وهون الخورفة بيدفع منل مابدو الشوفير ومن تم ساكت لأنو مو حلوة ئدام المخلوئة ( وهي استفاد الشوفير) وصلهم على شي كافتيريا فاتو شربولهم شي شغلة وطرئولهم نفس أركيلة ( وهي استفاد صاحب الكافتيريا) بعدين طلعوا وصارو يمشو شافهم ولد كان عم يبيع مسكة عالأشارة, ترك الأشارة وركض وراهم وصار يصرع الشب ازا بتعزها للي معك اشتريلها مسكة الله يوفئك بيئوم الشب بيشتري علبتين مسكة (وهي استفاد الولد) المهم كملوا هيك اختلوا ببعض اشتبه فيهم عمو الشرطي لئطهم ومشان ماينفضحوا بيفئسوا للشرطي اللي فيه النصيب ( وهي استفاد عمو الشرطي) وازا طلع عمو الشرطي نزيه بياخدهم عالمخفر وساعتها (بيستفاد الاستاز المحامي المزكور فوئ اللي كتب هالئصص).... وطبعا كل واحد من اللي استفادو حيروح يفيد غيروا من اللي استفادو..
فشايفين ئديش انحراف هالفتاة ئديش عملت حركة بالبلد وحيوية!!!
بينما لو تخيلنا شعب مثالي 100%حيصيرو كل الشباب يشتغلو ليل نهار مشان يئدرو يتجوزو بأسرع وقت ممكن يعني كلهم بدهم يحاولو يجمعوا بدون ماحدا يوزع شي الا الضروري الضروري (وبالأحرى حيصير الفرق واضح بين الطبقتين الغنية والفقيرة)
بجوز الحكي اللي فوئ في مبالغة شوي بس لتوضيح الفكرة.......
وآسف عالأطالة وشكرا
Certainly, the happiness does not depend on quantity of money. But it is better to cry in a limousine, than in the bus.
|