اقتباس:
كاتب النص الأصلي : ..AHMAD
لا ما حكيت انو امسك عناصر الإطفاء وانزل فيهن ضرب ...
لكن ما بقدر ما حط جزء .. وجزء كبير من المسؤولية عالمسؤولين اللي فرزو او حطو هالعناصر بمكان مانهن أهل يكونو فيه.
طالما مو قادرين يقدمو مساعدة بهيك ظرف ، انو لشو حاطينهن .. يعني ما عمحط اللوم على عناصر الإطفاء ، عمحط اللوم عالمسؤول اللي حاططهن بهيك مكان، انو حادث متل هاد هي بتكون من البديهيات اللي تعلموها وقت انفرزو عهالفوج وانا ما بقصد المسؤولية كاملة ، اي يعني انو هنن ماتو من فوج الاطفاء بس .. كتير عوامل ساعدت بهالشي لكن فوج الإطفاء بيتحمل جزء منها
|
حاسس عم نحكي نفس الشي بكلمات مختلفة!
أول رد فعل بيكون ع فوج الإطفاء اللي بيوصل و يقلك و الله مافينا, و بعدا كمان وقت ظل القارب مدري كم ساعة بنص البحيرة ما طالعوه لأنو الرافعة الموجودة ما بتوصلو...
أنا بدي فكّر مبدئياً انو فعلاً عملو كل شي بايدهون بتجهيزاتهون... و الحق مو عليهون, و يجوز حتى مو عاللي فوقهون مباشرة... يجوز بدك توصل عالمحافظة, أو حتى عالوزارة (بمعنى انو يجوز حتى قائد الأفواج كلها مو الحق عليه كاملاً... يجوز ما كلّف حالو يطالب انو ياعمي ما عنا امكانيات كزا و كزا.. لكن يجوز حتى ما يطلعلو يطالب و بدو يشتغل بالموجود)..
عم نقول نفس الحكي بعتقد... بس بأول لحظة غضب مين راح ياكلها؟ النقيب أو الرائد اللي راح بقيادة فوج الاطفاء, و يجوز مسؤوليتو مانا شي مقارنة بمسؤولية غيرو...و يكونو الكبار فرحو انو وقعت براسو لهاد و تجي سيريانيوز أو غيرها يقولو انو أجا متأخر أو كان متكبر أو شو ماكان, و يجو يحبسوه أو يفصلوه و ع أساس عملو شي و نكيّف عليهون انو طردوا واحد فاسد... لما مو الحق عليه
فهمت قصدي؟؟