اقتباس:
كاتب النص الأصلي : هشام ابو شرار
مخلصين؟؟؟شو يعني مخلصين؟؟
مابقي منهن خالص........ في بس مظهر مازوكي لعلاقة سلبية مع الآخربدليل التردد والخوف من الفشل واسقاطات الآخرين على الفشل وهي المحرك الدائم للاخلاص يعني الاساس خوف من انتقاد الآخر لو انكشفت الخيانة........وزي ماقالها نابليون(لوكان بالامكان لكان..........!) انا شخصياماشفت هيك شخصية ...
|
ما بعتقد أنو الدافع للإخلاص هو الخوف من كلام الآخرين .. لكن الإخلاص برأيي بحاجة لثقة وللأسف كلما كبر الواحد وزادت خبراتو الفاشلة وزادت طعنات الآخرين الو كلما قلت ثقتو بالآخر وبالتالي بيصير أقل إخلاصاً
لاحظ مثلا المراهقين بيخلصو لبعض وبيحافظو على علاقاتهم أكتر من الرشد سواء كنا عم نحكي على صعيد الحب أو على صعيد العلاقات التانية متل الرفقة والصداقة
ولهالسبب أعتقد صاحبة التصنيف حددت عمر ال 25 للإجابة عن هالأسئلة
يظهر أنها بتعتقد أنو الإنسان ممكن يتغير سلوكه بعد هالعمر نتيجة للخبرات والتجارب الفاشلة  لكن بالصميم بيبقى الواحد متل ما هو
اقتباس:
كاتب النص الأصلي : قرصان الأدرياتيك
ما دام كل شخصيّة من التسعة بتتمتع بصفات مختلفة، ليش ليكون في تسميات خاصّة بكل وحدة منها؟
القصد أنّو الشخصيّة 6 هل أكثر الصفات اللي تستحقّ تكون عليها هي "الإخلاص"؟! فسمّيت "المخلص"!
تتذكّري لمن حكيتك عن الموضوع وسألتِ ضمن أيّ وحدة تكوني أنتِ، فقلتلك ضمن تنين... برأيك أنتِ أكتر شخصيّة تنطبق عليكِ شو هيّ؟! وعذراً عالسؤال.
.
|
اي على ما يبدو هيك الأمر في صفات معينة بتتواجد أكثر عند الشخص المخلص ولهالشي منلاقيها بالبيان
مع العلم أنو في تقاطعات بين كل شخصية والشخصيات التانية رح نحكي عنها لاحقاً
أكثر شخصية بتطبق عليي ما بعرف بالضبط لأني لسا ما خلصت كل الشخصيات
وسبق ورديت بأحد المواضيع إني لحد الآن لاقيت فيني صفة المراقب + الرومانسي
ويا هلا
// وأنّ حضورك في دمي مسكُ الختام //
|