[krimbow]

كاتب النص الأصلي : Danito

أكيد الموضوع الأساسي أشبع نقاش و تحليل بس يعني في هذا الموضوع يتم الإشارة إلى الدور السلبي الذي يمكن أن يلعبه البعض أحيانا عن قصد أو عن غير قصد ..
و دائما المطلوب هو العنب و ليس قتل الناطور
يجب أن نحترم روموز بعضنا الدينية أو الوطنية أو غيرها ، لكن ما هي الحدود الفاصلة بين الدفاع عن الحقوق و الحفاظ على الكرامة من جهة و النزعات الثأرية الجاهلية من جهة أخرى؟

مرحبا دانيتو
اول شي بتشكرك ع هالموضوع الخطير
و برأيي هالموضوع اعطى ابعاد خطيرة جدا للموضوع الاساسي

من مبدأ انو تم خرق مبدأين مهمين من مبادئ الحصانة
الاول هوي مبدأ "ما على الرسول إلا البلاغ"
التاني هوي مبدأ "ناقل الكفر ليس بكافر"

بتصور انو كل المسلمين يللي ثاروا على الصور انو لازم يتخذوا اجراءات عقابية خاصة بالجهة يللي نقلت الموضوع الهم، لأنهم ساهموا (يمكن حتى اكتر من الجريدة نفسها) بتشويه صورة الرسول محمد
و لازم الجريدة الدانماركية ترفع دعوى عليهم

تخيلوا انو انا سبيت دانيتو و قلتلو " يا سافل يا منحط يا واطي " (بعتذر منك دانيتو، اخترتك لأنو عقلك اكبر من انك تفكر اني عم اقصد الاهانة)
قام دانيتو راح ع المخفر (3 عبارات مهينة = دعوى قذف و سب ناجحة) و اشتكا دانيتو انو انا سبيتو و قذفتو و جاب شاهد قللهم للشباب بالمخفر .. "كريم قللو لدانيتو يا سافل يا منحط يا واطي يا حمار يا كلب يا ابن الهيك و الهيك)
برأيكم هالشاهد ما شاركني بقذف دانيتو و سبو ؟؟؟

و لا حدا يقللي سلامة النية
كتير ممكن انو يكون هدف الرسام الكاريكاتوري انو يوعي المسلمين (ممكن يكون رأيو انو دين الاسلام دين خاطئ و هوي حب يشارك بتوعيتهم ...)

عموما الموضوع مطروح للنقاش الجاد
و يا ريت نشوف آراء حلوة