[سوستي]

إنو هاي بس حبيت فشفش خلئي شوي لا مش شوي كتير

بتكون رايء بمتابعة مسلسل شامي ابو شوارب او حتى مسلسل من هدول أيام الأحصنة بيجيك شوووو

بيجيك اعلان مااااايع باااااااايخ لا تقنية ولا فن ولا ذوووووووووق اي ولا ذوق ليش يا ترى لأنو لأيمت مستزغرين عئولنا وطاحشين انو فهمنا عنا معامل علك الله ومولاها وعنا محارم ناعمة وقوية وشكلين ما منحي وعنا عمّار مينو هيدا عمار هيدا واحد قرر يلم شوالات سكر و شوية منكهات صناعية حافظة مشان شو تطلع طعمة قريبة للبرتقان بسنة ضوئية هيدا كلو مشان ترتاح ست البيت وما تعذب اناملا وتعصرلا كم برتقانة هلأ وين كنا ضعت كأنواي منرجع للإعلانات العظمى إلي بدل على انحصار وانحسار اقتصادنا فيما لا يتعدى حدود العلكة والعلاك
انو هاي أولا ثانيا لك محمد خير صاير متل الزعماء ما بينزاح عن الكرسي الا للقبردخلنا صياصة هلأ شو ابنو وائل كمان استلم القيادة واعلاناتنا الجربانة ح ضل شغالة أبا عن جد يا فرحة أبلة ظاظا
سألتوني مينو محمد ومينو وائل هدول مخرجين دعايات العلكة وشراب عمار وهالآلة

لك هلأ الاعلانات سخيفة بعرف بس بنفس الوقت ممكن تكون فن بحد ذاته انو فهمنا بضاعتنا كلها محارم وعلوك وأبصر شو وراها صحي انتو صدقتو انو علكة ومحرمة وكم دوا غسيل هدول مشان ما يسالوهم من اين لك هذا والأرباح كلها من ورا العلك شو قليل العلك شو بيعمل بالبني آدم
أكيد ما بدنا نعمل مقارنة بين أفكار الاعلانات الأوربية وبين أفكارنا إنو معئول ما عنا حدا بفكر ابعد بسنتي عن انفو سنتي متر مش سنتي كيلومتير ويطالع دعاية فيها لمسة فنية لك لمسة مو بوسة

هي فشيت خلئي تشاو