انو هلا هلا بالاستاذ طارق
يلا خلينا نسفتح فيك مقلايتنا العظيمة
باسئلتي المعروفة
عمرك
؟20
مهنتك
؟طالب جامعة
حالتك الاجتماعية
؟عازب
بتدخن؟
لا
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب
؟لا
ازا اي من ايمت
واديش؟
وشو اكتر نوع بتحبه
انت ليش هيك؟؟؟
والله هيك
شو اكتر غنية بتحبا؟؟ وليش؟؟
؟بحب غنية يللا تنام لفيروز
مين مطربك المفضل؟؟
صباح فخري
.شو المواضيع اللي تقراها بالمنتدى؟
بالترتيب: المنبر / السياسة/ الموسيقى / الصالون/ الفساد / السقيفة
شو الصفات اللي بتكرهها بالانسان
؟ الكذب+ الخيانة+ ولدنة الحرام+ النرجسية+ العيش بالوهم
والصفات اللي بتحبها
الصدق+ الدقة بالمواعيد+ الواقعية + الاحترام للذات والغير
شو حكمتك بالحياة
ايها الذئب ان لم تكن نمرا اكلتك النمور
شو هيي صفات امراة احلامك
/بفضل ما جاوب
اذا ربحت مليون دولار, شو بتعمل فيها؟؟/
بستثمرون ليصيروا 10 مليون
انت سعيد بحياتك وليش
/ ما فيني جاوبك اني سعيد بالمطلق ولا اني تعيس بالمطلق اكيد مبسوط باشيا بحياتي ومتدايق من اشيا كمان / السبب؟ هو انو بحاول كون قد حالي بس باوقات ما بعرف شو بيصير الي
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
بشوف شو السبب وبحمل المسؤولية وبرجع بنطلق من جديد
وشو هي اكتر مادة بتكرها و كمان ليش؟
بكره مادة التشريح المرضي بكلية الطب لانها بتفوت بالحيط
هل بتامن بالابراج ؟
و علل جوابك لا لانو لليوم ما في مختص بالفلك بيقدر يخبرك بالواقع
هل بتامن بالقدر؟ علل جوابك
طبعا هوي شي مكتوب عليي انو يصير من السما بس مو معناه اني اقعد وقول هيدا قدري واسكت
هل بتامن بالسحر و المشعوذين؟ علل جوابك
.لا ابدا وكلو كذب بكذب وضحك على البشر
عرفلي البيروقراطية والديكتاتورية
البيروقراطية": هي سلطة موظفي المكاتب والتسلسل الوظيفي الذي يؤدي لاعاقة تنفيذ عديد من الامور السريعة بسبب اجراءات عادة لاداعي لها
الديكتاتورية: هي حكم الفرد يعني متل ماقال لويس : انا الدولة اي لاسلطة غير سلطة الفرد وهي احيانا مفيدة واحيانا عاطلة
شو اكتر شي بيعصبك؟
اني اتاخر عن موعد او حدا يواعدني وما يجي
شو اكتر شي بيفرحك؟
يتحقق الحلم الايجابي اللي بخططلو بقوة
شو رايك بقضية الشرق الاوسط؟
احجار على رقعة الشطرنج
شلون تعرفت على أخوية ..؟
عم دور على غنية لريمي البندلي قمت لقيتا وطحشت
شو هدفك بالحياة ...؟
اتخرج من كلية الطب واعمل اختصاص جراثيم واتخرج من كلية العلاقات الدولية واعمل سياسي
مين أكتر أعضاء بتقارلون بالأخوية .. شو يعني بتقارلون؟؟؟؟
كم اخ و اخت عندك؟اخين واختين
مين من اخواتك هوي المفضل عندك وليش؟ اختي سوزان لانو تشبهني كتير وتسمعلي كتير
شو هوي فيلمك المفضل وليش؟ the godfatherتعلمت منه حكم بالحياة فادتني كتير
مين ممثلك المفضل وليش؟ما عندي ممثل مفضل لانو ممكن يتالق بدور ويتبهدل بدور تاني
شو اكتر شي بتحبو بالحياة وليش؟ ضحكة طفل صغير لاني مستعد بيع الارض بما فيها كرمال ضحكة طفل
شو امنيتك بالحياة؟مكرر السؤال بس بتمنى انو امنع قتل وتعذيب الاطفال ومنع جرائم الشرف
شو ناوي تدرس؟عم بدرس طب وعلاقات دولية
شو أكتر معادلة كيمياء حفظتها بحياتك؟ NA+CL=NACL
شو أحلى قصيدة مرقت معك؟أنجبني لاحلام مستغانمي
شو درس العلوم المفضل يلي حفظتو؟جهاز الهضم
شو حدود سوريا الجغرافية؟من الشمال تبدأ الحدود الحالية عند البدروسية وتسير شمالا ثم باتجاه الشرق حتى تنتهي عند عين ديوار طبعا تركيا بالشمال
من الجنوب الاردن حتى بحيرةطبريا
من الشرق: العراق من عين ديوار حتى ما بعد التنف
من الغرب : البحر المتوسط من البدروسية ثم لبنان ثم فلسطين عند حدود بحيرة طبريا
شو طبيعة لبسك : سبور -فنكي -رسمي ؟
سبور
شو اكتر موقف محرج صار معك؟
والله مش متذكر بس صاير كتير
بتعتبر حالك ن الناس ياللي بيحكو كتير؟
ايه
شو اكتر اسم بتحب للشب وللبنت؟
جاوبت فوق
للشب : كنان
للبنت: هدى
مين قضوتك بالحياة ؟
والدي
شو رأيك بالطفولة و الولاد ؟
اعطي نصف عمري لمن يجعل طفل باكي يضحك (( على قول ريم البنا))
مين أعز شخص على قلبك و ليش ؟
والدي / لانو مايسترو كبير بالحياة وبيمون عليي
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
اللي ماسكه بايدي منيح
شو أحلا أيام حياتك؟
ايام الصف الرابع/ ايام الصف العاشر/ ايام البكالوريا / الفصل الثاني سنة ثانية بالجامعة
شو الحياه بالنسبه إليك؟
مسرحية
شو بنظرك بياثر اكتر دموع الفرح أم بسمة الفرح؟
دموع الفرح
شوالشي الذي تتمنى أن يرجع؟
كل كتبي اللي بعتون
موقف صار لك ولا تقدر تنساه؟
بفضل عدم الاجابة
شو أفضل لديك بمراحل النمو هل هو الطفوله ام المراهقه ام الشباب أم الشيب؟
الشباب
زيت المقلاية عم يحرقك شي؟
لا قووا النار بس انا بحب زيت الزيتون كتير
ازا اضطريت انو تختار بين تتين من رفقاتك شو بتعمل
الكل او لا احد
او بمعنى تاني اللي بيتجاوب معي بالمناقشة
الاجوبة لازم تكون مختصرة بمالايقل عن ست اسطر
وبالتوفيق
