[بنفسجة]

كاتب النص الأصلي : maroun

اسمحيلي كلامك منطقي لكنه لا ينطبق على حزب الله. انا اوافقك الرأي ان الكل من حقه مقاومة الاحتلال بس حزب الله اليوم المصادف لـ 1/12/2007 مافي شي يدافع عليه يعني انتهت مهمته اذا كنا اردنا ان نحسبها على هذا المبدأ اي مبدأ مقاومة احتلال تاني شي كلامك بخصوص وجود حزب الله في ارض محتلة كمان مو صح لأن حزب الله يعمل من الضاحية الجنوبية اللي هي بيروت او جزء من بيروت و هناك ماحدا محتل شي الا حزب الله اللي محتل الضاحية. فكلامك عزيزتي او عزيزي ينقصه الكثير من المعلومات. اما بخصوص سوريا فأنا لا اظن ان حزب كحزب الله سوف ينشأ على ارضها لان هكذا حزب بمثل ايديولوجيت حزب الله سيعتبر حزب طائفي و حركة ارهابية يعني مثل الاخوان المسلمين الفرق الوحيد بين الاثنين ان حزب الله لا يكفرون احد علناً و انما ضمناً شيء اخر مهم و هو تمويل حزب الله و اللي الكل عارف انه ايراني المصدر و التصنيع و التمويل و الولاء يعني بيكل المقاييس فعجبي كيف تسمينه انه وجد للدفاع عن لبنان؟؟
شكراً

انا مابتفق مع كتير من يلي حكيتو
يعني مهمة حزب الله ماانتهت ابدا طالما في ارض محتلة هي مزارع شبعا وطالما في لبناني بالسجون الاسرائلية
من حق حزب الله المطالبه باسراه وبارض بلاده هؤلاء الاسرى ليس كلهم من العقيدة الدينية لحزب الله والقرى المحتلة لايسكنها اهل وطائفة حزب الله فقط في الجنوب حينما تحرر كان هناك المسلمين من كل الطوائف والمسيحيين ايضا حزب الله لايدافع من منطلق طائفي
اما عن تواجده في الضاحية الجنوبية فعليك ان تفرق بين شيئين التواجد الشعبي شي والتواجد المسلح شي تاني عناصر حزب الله نعم موجودة في الضاحية ومو بس بالضاحية بكل المناطق اللبنانية لكنها موجودة كمواطنين عاديين اما عندما يتحولون الى مقاومين فعملهم يكون على الحدود المحتله سلاح حزب الله موجود للعمل فقط في الاراضي المحتلة وليس للعمل في الضاحية الجنوبية او غيرها هذا السلاح ما توجه ولا مرة الى الداخل ولاهدد فيه حدا بالمطلق انما ضل يقول ويكرر مهما حاول البعض جر حزب الله الى صدام داخلي فهو لن ينجح وهيدا الفرق بينو وبين عصابة الخوان الفرق بينهما ان الخوان وجههو سلاحهم الى الشعب وقتلو الشعب بينما حزب الله يوجه سلاحه نحو العدو خلينا نعرف نفرق شوي بين منطق الارهاب ومنطق المقاومة وكون حزب الله يكفر الاخرين سرا فهذا شأنه غيرو عم يقتلو الناس لاتباعهم منطق مخالف يعني انا بدي اخد الافعال وليس الاقوال ماصدر شي عن حزب الله يكفر احدا ولا يهدد بالسلاح احدا
بالنسبة لقية التمويل طيب ما سوريا كمان بتمولو ومنين لكان بدو يجيب سلاح ليحارب عدو يعني بيخلقو من الهوا اكيد بدو يعمل صفقات واتفاقيات على اساسها بدو يجيب سلاح متل ما اخوانو بلبنان هدول البطوليين الاستقلاليين عبو الدنيا سلاح ومن وين جابوه مابعرف دور يمكن من اسرائيل
اما عن مسالة الولاء فهذا امر مابدي ناقش فيه لان من حقو متل من حقك انك توالي وتناصر يلي بدك ياه
اما ليش بسميه حزب وجد للدفاع عن لبنان فانت بدك ترجعني لنقطة الصفر تماما
يا اخي الارض يلي عم يدافع عنها شو هيي ارض ايرانية مثلا
الاسرى يلي عم يطالب فيون اسراى ايرانيين مثلا
وين العيب اذا اخد سلاح واتفق مع ناس بيفكرو متل ما بيفكر
بتعرف شو مشكتنا نحن الشعب العربي مشكلتنا انو منخاف حتى من خيالنا
لو حزب الله عم يفكر متل ماعم تقول وانو بدو يعمل ولايه فقيه فمافي اسهل منا هي باستطاعتو من زمان يحط سلاحو ويوجهو الى الداخل ويبيد اللبنانيين باداة وكان باستطاعتو بعد حرب تموز انو ياخد يلي بدو ياه ولو كان بالقوة
حزب الله قتل من انصارو كتير بالمظاهرات السلمية وبمناسبات تانية لو بدو يرجع حقو بالقوة كان رجعو
مشكلتنا انو بنعادي الاخر للاختلاف معو على المعتقد انا احترم معتقدك وانت المفروض تحترم معتقدي وطالما انا مش عم سفه معتقدك لاقولا ولافعلا فالمفروض باقل اعتبار انو ما تسفه معتقدي
بلبنان حزب الله حزب طائفي كغيره من الاحزاب يلي بتفكر حالها مانا طائفية لكن هل سمعت يوما حزب الله يتكلم عن الخطر السني المتمثل بافواج طرابلس او فهود الطريق الجديدة او فتح الاسلام دائما كان يسميهم عصابات ارهابية بغض النظر عن انتمائهم الطائفي
حتى قوات العميل الاسرئيلي لحد ذات الغالبية المسيحية ولامرة عالمون حزب الله على انون مسيحيين كفرة انما عاملون على انون عناصر خائنه مهما كان انتماءهم الديني حتى القرى يلي اجى منها هدول لما تحرر الجنوب عوملت هي القرى كما عوملت القرى الاخرى
فليش نحنا حتى نحط براسنا انو حزب الله حزب طائفي هدفه ولايه الفقيه لاغير
ليش مابدنا نعتبر انو هو حزب ضغير قدر يوقف في وجه قوة عاتية بالمنطقة الدول العربية مجتمعة غير قادرة على الوقوف في وجهها ليش بدنا نبخس هالحزب حقو