الحمدلله أخدت الفيزا
وختمتلي ياها ليزا
وعرفتني بالعلامة
وقدّمتلا السي في
وتقبّلت التهاني
يا ماشالله ع الزوّار
ضبّيت الشنتة بسرعة
وأخدوني ع المطار
لـ أمريكا وصلنا يا سيدي
ومهدّى قلبي بإيدي
مع إني مش إرهابي
ولا مرّة حملت سلاح
بس كوني أنا اللبناني
وإسمي حامل عنواني
إسمك، صفتك، نعتك، دينك
ما خلّوا سؤال
شو في فرق بيني وبينك
دخلك قلّي عقلي احتار
أنا شب حليوة وبفهم
عندي صنعة وبملك دار
شو لأنك أمريكاني
أوروبي أنـGـليكاني
تفتّشني، تعرّيني، تبهدلني ع المطار
دخّلني أو ودّيني
أنا والله طالع ديني
من كل حدود
بتذلّ الإنسان
تطلّع بـ عينيي
بيلمع وطني بـ عينيي
رح تخلص الغنية
رجّعني ع لبنان
وبلا فيزا من ليزا
خلّينا بـ لبنان
العيشة لذيذة
أحلى من وين ما كان
.
شربل روحانا - ألبوم "إمرأة خطيرة"
ربما كان عدم الاتفاق أقصر مسافة بين فكرين. (جبران النبي)
|