اقتباس:
تقريبا كل القصص اللي انحكت صارت برا سوريا, بس الها طعم أمر الشغلة لما واحد ضمن بلدو هيك بيتعامل بس لانو من منطقة معينة.
|
تماماً...
بصراحة أنا باسبانيا ما تعرّضت بحياتي لشي ( ما عدا الحادثة مع السيكيوريتي المغربي)... و يعني بسوريا متل ما تقول مواقف, مخجلة..
يعني مثلاً, جزراوي انت.. لهجتك جزراوي, حسكاوي رقاوي ديري ما بتفرق, بتروح على محل بإحدى المدن الكبرى (بشكل عام, و عام جداً).. أول شي رح يتعامل معك كأهبل, انو انت خلص أهبل لأنك شاوي.. تاني شي, بيفكرك غبي لدرجة انو ما رح تفهم على لهجتو فيحاول يقلّد لهجتك بطريقة سخيفة قميئة, و مو بس هيك.. بيرفع صوتو شي طبقتين تلاتة (يعني فهمنا مفكرني غبي.. بس مين قلك انو كمان أطرش؟)
أو حدا يجرّب ينزل عالشام بسيارة نمرتها الرقة أو الحسكة... كل دورية شرطة رح توقفك (معروف عنا انو من سمعنا الصفارة بنمد ايدنا ع جيوبنا بدون ما نسأل ليش.. و للأسف هالحكي بشكل عام صحيح).
اللي صار انو اعتدنا.. و يعني حتى ما نفكر فيها كتمييز... يمكن بتصير بكل دول العالم