كاتب النص الأصلي : the god father
مفهوم الوطن ,, مفهوم نسبي يختلف من شخص لآخر وذلك حسب إنتمائه وحسب درجة تعليمه وحسب هدفه في هذه الحياة ,, فلك منا تصوره حول شكل وأهمية الوطن ,,
عندما نسأل ,, هل تحب سوريا ؟؟ هذا بالنسبة للسوري .
وعندما نسأل,, هل تحب مصر ؟؟ هذا بالنسبة للمصريين .
وعندما ,,وعندما ,,وعندما ,,فسوف تجد إجابات عديدة مختلف لشخص عن الآخر ,,ومختلف من دولة لدولة ,,ومن طبقة لطبقة ,,
سأتكلم عن نفسي وبصفتي سوري تربيت على شرفات هذا البلد ,,ولعبت في حواريها ,,وكسرت الألعاب على أدرجها ,,
يا سيدي لو سألنا الفقير ,,,ماذا يمثل لك الوطن ,,أو بمعنى أصح ,,هل تحب سوريا ؟؟
لأجابك ,,والله أنا بحب سوريا كتير ,,بس ما عم لاقي خبز ,,وكتير غليانة هل البلد ,,
ولو سألت السياسي الموالي ,,بتحب سوريا ,؟؟ ليقلك ,,أكيد ,,هي سوريا الوطن سوريا العز سوريا الكرامة ,
ولو سألت المعارض ,,ليقلك سوريا هي دمنا بس عم يسرقوها مننا ,,بس رح انرجعها ,
ولو سألت الغني اللي فوق الريح اللي الله بيعلم من وين جاب مصرياتوا ,,ليقلك ,,أوووووووووووه ما في أحسن من هل البلد كلشي بيمشي فيها ,,
وهيك من خلال هل الكلام ,,تعريف الوطن مختلف بالنسبة لكل شخص ولكل شريحة متل ما ذكرت من قبل ,,
بمعنى عام ,,
لو سألتني شخصياً شو هي سوريا بالنسبة لألك ,,
رح قلك بحبها وبحترمها ,,وهي أرضي ,,وهون بكون عم أحكي على سوريا كأرض وإنتمائي لهل الأرض هو جزء لا يتجزأ من إنتمائي لنفسي ولكرامتي ,,
ولو سألتي شو رأيك ,,بهل الوطن ,,لقلتلك ,,الوطن بلا مواطن حقوا فرنج ,,بأيام الغلا ,,
أساس كل وطن مواطن ينمي هل الوطن ويعمروا ويطوروا ,,ويرعى هل الوطن ,,
مواطن بلا وطن بعيش ,,بس وطن بلا مواطن ,,أرض خالية ما بتسوى شي ,,
وقيمة الوطن تتعلق تعلق مباشر بقيمة المواطن ,,
يعني المواطن غالي ,,الوطن أغلى منو مافي ,,المواطن رخيص ,,حق الوطن فرنجين ,,
ليش بتفضل اتعيش بأمريكا على أنك اتعيش بالسعودية ,,جواب بسيط وسهل ,,لأنو حق المواطن بأمريكا أغلى بكتيييييييير من حقوا بالسعودية ,,
ما بعرف بجوز اللي يقرأ ما كتبت ,,يقول هاد عم يتفلسف ,,بس صدقوني ,, لو بدي اتفلسف كنت دخلت على غير قسم واتفلسفت لشبعت ,,بس هاد الواقع ,,
رح قول مقولة مرة اسمعتها وأثرت فيني كتير ,,
الفقر في الوطن غربة ,,والغنى في الغربة وطن ,,
يمكن أول مرة بتسمع هل المقول ,,بتقول ,,لأ ,,هاد مو كلام ,,بس صدقني حاول تسمعها وتقرأها أكتر من مرة ,,رح تعرف أنو هل المقولة مظبوطة 100 % ,,
لهيك ما فيني قول ,,غير ,,
الفقر في الوطن غربة والغنى في الغربة وطن ,
ودمتم .
|