اقتباس:
كاتب النص الأصلي : Abu ToNi
فهل وصل الانسان العربي لمرحلة بيقدر فيها يعيد تقييم كتب التراث لتنقية وحذف وغربلة الأفكار البدوية اللي ما بيقدر عقل انسان طبيعي عايش بالقرن ال 21 يستوعبها ؟!!؟!؟
|
في كتير احاديث بيستخدمها رجال الدين هلأ لو بحثت بأصلها بتلاقيها ضعيفة ولا يحتج بها مثلا الحديث اللي الكل بيستخدمو للحجاب انو الرسول قال لاسماء بنت ابي بكر لما دخل ورأى عليها ثياب رقاق "يا اسماء ان المرأة اذا بلغت المحيض لا يجدر ان يرى منها الا هذه وهذا وأشار الى وجهها وكفيها " الحديث بيسيء للرسول كمان ولأسماء انو كيف بنت ابو بكر الصديق تظهر للرسول وعليها ثياب رقاق وهي اخت عائشة؟؟ مع هيك الحديث واسع وبيستخدمو كتير !!
برأيي كتب السنة بحاجة لغربلة وكتب التفاسير كمان وحتى الأحاديث الصحيحة كمان لازم انو يغربلوها ويختارو ما يناسب عصرنا احنا مش ما كان يناسب عقلية الناس بالفترة اللي انكتبت فيها هيك أحاديث !!
التجديد في الخطاب الاسلامي وفي التفاسير أمر مطلوب وضرورة ملحة ازا المسلمين بدهم يمشو خطوة لقدام !!