[ماما منوشه]

بسم الله الرحمن الرحيم


1- ياورد مين علمك تجرح ,,, لمن توجه هذه العباره ؟؟
لحبيبي لما يبكيني


2- اعتذار الرجل للمرأه ذل أم احترام للذات ؟؟
اعتبرة احترام للمرأه التي اعتذر لها

3- هل بحياتك قصة حب الان ؟؟
اكييييد وإلا كانت مصيبة إذا متزوجة وماني بقصة حب بس الفرق انو انا بعرف نهايتها

4- هل ترى ان الحب الاول ناجح ام فاشل ؟؟
ناجح عندما يكون الطرفان سنهم مناسب وظروفهم مناسبة وإلا كانت فاشلة بكل المقاييس

5- رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
الحب - العائلة -المستقبل المهني - الصديق- المال

6- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
اعمل قانون يخلي كل الاعضاء تتلاقي مرة بالسنة على القليلة

7- ايهم اكثر وبصراحه استلامك للرسائل خاصه ام ارسالك للرسائل خاصه ؟
الاستلام والارسال متل بعض تقريبا لأنو برد دايما على الرسائل الخاصة ، بس عن مين بيجي الاول فأكيد الاستقبال

8- مارأيك بالغيره ؟
بهارات الحب إذا ما زادت عن الحد

9- كم وزنك ؟؟
رح جاوب بس مع التنويه انو انا بعمل ريجيم 60

10- كم طولك ؟؟
158 سم وبكل فخر واعتزاز لأنو قصر البنت زيادة في الانوثة

11- ماذا تقول لمن ظلمك ؟؟
حسبي الله ونعم الوكيل

12- سر لاول مره تقوله لنا؟؟
انا مدمنة














مدمنة الاخوية


13- وجه نقد لكاتب الموضوع ؟؟
ماني شاطرة بالنقد كتير والله وما عندي ملاحظة محددة لأنو ماني متابعة موضوعاتك كتير بس رح تابع من اليوم وطالع لأنو الموضوع حلو

14- هل وضعك كلمة منقول لموضوع نقلته تزعجك ؟؟
أبدا وانا دوما اكتبها في الموضوعات البنقلها

15- ماهي الحيوانات التي قمت بتربيتها قبل ذلك ؟؟
كلبين وولف (ألماني)
قطط (من كل الاشكال والانواع بحبهم كتير انا )

16- كتاب حياتك بم تصفه في كلمات معدوده ؟؟
رح كتبلك غنية قديمة وشعبية لحسن الاسمر (مصري)
كتاب حياتي يا عين
ماشفت زيو كتاب
الفرح فيه سطرين
والباقي كله عذاب


17- شخص تفتقده ,, من هو ؟؟ ليس شرطا ان يكون عضوا !!!!!
أبي رحمة الله عليه


18- قرار اتخذته وتسرعت به ومن ثم ندمت عليه؟؟
هاد فعلا محرج بس ما رح اخفي عليكون
تسرعت مرة وتركت شخص حبيتو وندمت كتير

19- لا اسمع لا ارى لا اتكلم ,, متى تطبق هذه المقوله بحياتك ؟؟
عندما اري موضوع يثير اعصابي بالاخوية وما حب اغلط في صاحب الموضوع

20- قم بتوجيه نصائح الى خمس اعضاء قم باختيارهم انت ؟؟
رح اعطي نصيحة واحدة لواحدة غالية كتير عألبي ما رح اكتب اسمها لحتى ما احرجها هي واتمنى انها تعرف حالها
عودي إلى الصواب يا حبيبتي ولا تدعي صدمات في الدنيا تجعلك تندمين على آخرتك

21- ماهو اكثر شي يحرجك ؟؟
حقيقي ما في شي ببالي هلأ بس انا بنحرج عموما لما حدا يوقفني وانا عم احكي لغير سبب سوي انه يريد ان يحرجني

22- لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
كنت سأتزوج عامر
وما كنت دخلت كلية الحقوووق

23- ملحوظه لاحظتها على عضو من الاعضاء ماهي ؟؟ ومن هو العضو ؟؟
صعب نقول اسماء لأنو هاد ما بيكون محرج النا بيكون محرج للعمنحكي عنو وانا ما بحب احرج حدا
بس في عضو تغير وقت الي اخد منصب بالاخوية وما عاد متل الاول وهو بيعرف حاله

24- شيء حدث بحياتك غير مجرى حياتك ؟؟
وفاة أبي خلاني صرت اكبر من عمري من وانا صغيرة

25- كلمة تتمنى سماعها كل يوم ؟؟
حي على الصلاة حي على الفلاح الله اكبر الله اكبر لا اله الا الله

26- هل جنس كاتب الموضوع له تأثير عليك لتضع ردا ؟؟
أبدا ما بتفرق


تحياتي