[مالي خايف]

كاتب النص الأصلي : maged-syrian

انا جلست اكثر من شهر ونصف بالشام بأجازتي لم أرى عيباً غير العيوب الاقتصادية والغلاء الفاحش ... أما بالنسبة للاوضاع الامنية فالأمن مستتب والحياة ماشية والعالم راكضة ورا ارزاقها وهي مطمئنة ... اما بالنسبة للاسطوانة المشروخة بالروح بالدم .. وتلصيق صور الرئيس على الحيطان والسيارات وماهنالك فالشغلات هاي انتهت من زمان وصارت شغلة شخصية برضا الفرد هو حب يضع ملصقات للرئيس هو حر ماحب هاد الشيء بيعود ألو ..

يا سيدي العزيز الشغلة مو بالملصقات وسيارات وحيطان الشغلة أكبر من هيك بكتير فرجيني واحد بيقدر يعطي رأيو بالحكومة ويقول عنها ما بتنفع أو عم تشتغل غلط ما بيقدر لأنو بيروح فيها..

كاتب النص الأصلي : maged-syrian

صحيح أنه يوجد شغلات كتير سيئة بسوريا لكن من العيب أن نضع كل اللوم على شخص الرئيس فقط .. لأن الرئيس مهما بلغت صلاحياتو ومهما كانت ايدو طايلة مارح يقدر يتابع كل حركة بتصير بالبلد ..
نجي لعدة نقاط .

لما تجي لموضوع أنو الرئيس ايدو طايلة أو لاء هاد الحكي غلط لأنو الرئيس بيملك كامل الصلاحيات بمعاقبة ومحاكمة وتغير الفساد المتفشي بوطنا الغالي لهيك اللوم هون انو يا اخي ليش ماعم تحاسب وتحط حدود لهالتسيب الي صاير بالبلد ولا ما بتقدر ليش؟؟؟ الله أعلم ليش

كاتب النص الأصلي : maged-syrian

ياريت تعطيني مثال واحد فقط لكي اصدقك

خيو الأمثلة كتيرة وعندي مثال جديد كتير بس ما بقدر أذكرو خوفا يأثر على صاحبو ويسببلو مشاكل لهيك اعفيني من الرد على هالنقطة

كاتب النص الأصلي : maged-syrian

على حسب ماسمعت ان الضرب وسب الاهل وشتم المواطن صار فيها محكمة عسكرية او عقوبات مشددة ؟! يمكن هالحكي بالماضي صحيح ..

سيدي سمعت بس ما شفت وموضوع انو في محاكمة عسكرية فهاد حبر على ورق متلو متل كل هالقوانين الي مكتوبة بس ما حدا بينفذها

كاتب النص الأصلي : maged-syrian

هاي شغلة الواسطات والرشاوي منتشرة بكل مكان مو بس بسوريا ... وهالشغلة هاي لازم تحارب بكل وسيلة من طرف افراد الشعب نفسهم قبل مايكون من طرف السلطة .. الوضع الاقتصادي السيء والغلاء الفاحش بيلعب دور كبير ..

سيدي موضوع الرشاوي موجود مو بكل دول العالم موجود بس بدول العالم الثالث ومحاربتون مو بس من الشعب لاء من الدولة نفسها لأنو بيقلك المتل طعمي التم بتستحي العين يعني الدولة مثلا موظفة شرطة مرور الدولة بتدفعلو نص الراتب الي بتعرف انو ما بيكفيه أجار بيت وبتقلك الباقي بياخدو من المواطنين بدل ما نحنا ندفعو وهاد الحكي بينطبق على كل موظفين الدولة من أصغر موظف لأكبر موظف إلا من رحم ربي طبعا في موظفين كتير شرفاء

كاتب النص الأصلي : maged-syrian

من العيب ان نلصق كل عملية نصب واحتيال بشخص الرئيس بشار ... صحيح ان بعض اعضاء الحكومة فاسدين وبعض الوزراء قمة في الفساد .. هاد الشيء لايعني ان الرئيس هو سبب هذا الفساد ... بيضل الوضع بسوريا افضل من البلدان المجاورة بكل الاحوال ..

مو بعض أعضاء الحكومة كل الحكومة سيدي وأزيدك من الشعر بيت انو الدولة كلها فاسدة

كاتب النص الأصلي : maged-syrian

رح اعطيك مثال حي :
انا كان الي مبلغ عند شخص واجا وقت استحقاق الدفع .. والزلمة ماطل وماطل وبالنهاية تهرب ومادفع .. فلمن رحت اشتكيت عليه صحيح اني دفعت مبلغ بسيط لايزيد عن 2000 ليرة لكن بالنهاية حصلت حقي كامل مكمل .

هاد المثال ميت وليس حي أنا حأعطيك مثال حي بزمناتو رفيقي أكل ضربة موس برجلو نحنا سمعنا واحد من الشباب الزعران يعني عم يلفظ اسم الشب الي ضرب رفيقي حملنا حالنا ورحنا عالمخفر قدمنا شكوا طلع الشب الو سوابق المهم لقطو مالك بطول السيرة المهم بهالقصة هي انو قبل ما نطلع من المخفر فتينا 5000 ليرة ليش يا حزرك لأنو الشباب طلعوا من المخفر وتعبو حالون وراحو يدورو عالشب والله وكيلك هاد الحكي قالولنا ياه بالحرف الواحد دون حيا أو خجل وهاد عم ينفذ واجبو وهي القصة مو قديمة من حوالي السنة

كاتب النص الأصلي : maged-syrian

يعني اذا حلو عنك اللي رح يجي حيكون افضل منهم ؟!
انا برأيي انهم مهما كانو سيئين فهم عالاقل شبعانين .. بينما اللي بدوا يجي بدوا يبلش نهب من نقطة الصفر
انا لا مع ولا ضد .. بس كلمة الحق تقال ان بشار افضل من غيرو يكفي ان الوضع الامني بالبلد كتير ممتاز بالرغم من الاحوال المحيطة بالبلدان المجاورة لسوريا ..

يا سيدي أنا عم قول حلو عنا معناتا عملو الشي الي بيريحنا وما تضلو كابسين على نفسنا حاربو الفساد استغلو الموارد الي عنا ولا تقلي مافي موارد لاء في وفي كتير كمان

كاتب النص الأصلي : maged-syrian

عالهامش : انت عم تحكي بصيغة الجمع فعلسان مين عم تحكي ؟!
واذا عمتعبر عن رأي شخصي فليش كل هالتبهير وليش عم تحكي بصيغة الجمع ؟!

وعالهامش كمان مو انت الي بتقلي باي صيغة بحكي وهاد مو راي شخصي هاد راي كتير شباب عايشين بسورية وبرا سورية
وبالنسبة لموضوع بلسان مين عم تحكي فأنا عم احكي بلساني مو بلسان حدا تاني وما بدي مين يقلي شو احكي لأني شايف بعيوني مو متل بعض ناس مغمضة عيونها وعايشة عالسبهللة