[jano.]

بس شوف وانا بالسوق انو دعايات سياحة لكل الدول العربية وبلدي ماحدا سمعان فيه فشو رايكم بدو يكون احساسي

لك أخخخخخخخخخخخخخخ شو بدنا نحكي لنحكي يا شيخ!!
سافرت عأغلب دول أوربا, ومن عادتي فوت لمكاتب السياحة والسفر واتفرج عالكتب والمجلات والبروشورات السياحية يلي بالمكتب.. بتشوف لكل دولة فيلها كتاب سياحي إلا سوريا ما عندها!..
في كذا شركة سياحية بتطبع هيك كتب, والكتب بتكون يا اما صغيرة للجيب او كتب كبيرة مصوّرة, وهون بتكون الشطارة..... لانو بتلاقي هالختايرة الي معون مصاري ومحتارين بأي بلد يصرفو مصرياتون, فبيروحو لاقرب مكتب سياحة ويتفرجو عالكتب... هدول السياح الي بدناياهن .. طبعاً مو بس الختايرة بيعملو هيك بس أغلب السياح الاجانب بيعتمدو اكتر شي عالكتب السياحية...
سوريا ما عندها غير مناشير صغيرة ومتوفرة بس بالسفارات ومكاتب الطيران السوري
واذا فتت على اي مكتبة كبيرة (مكتبة عامة او مكتبة جامعية) بتلاقي مئات الكتب عن الحضارات السورية, مع ذلك مافي كتب سياحية حديثة

بتذكر مرة قريت مقالة لشخص كان مسافر لسوريا وانصدم من الي شافو!! يعني طلعت سوريا غير سوريا الي بيسمع عنها... كتب عنوان المقالة بما معناه أنو ((يلي بيفكر انو سوريا هيي محور للشر خلي يواجهني!!)) بهالمعنى... والمقالة شي بيبكي, بيحكيلك عن كل شغلة حلوة بسوريا وبنفس الوقت بيعاتب الجهات السورية المسئولة لأنها ما بتقدّر القيمة السياحية لسورية ولازم تعمل دعاية سياحية منيحة للبلد وأنو لولا الصدفة ماكان عرف انو سوريا بهالجمال (هوي كان نازل ليتعلم عربي)...