[سنفورة]

كل واحد فينا عندو شعار بحياته ماشي على أساسه ومقتنع فيه واحتمال يفكر يورثه لولاده بالمستقبل ، ممكن يكون هالشعار حكمة ، ممكن درس تعلمو بحياته ، ممكن رمز لنبتة ، لجماد ، لحيوان معين ، لأي شي بيوحي للإنسان بكتير أمور معتقدها وبطبقها ..
و بنفس الوقت ، كل واحد فينا بيتمنى يكون عنده شعار تاني يقدر يطبقه بحياته ، يا أما صفاته او شخصيته او وضعه المادي ما سمحوا يطبق هالشعار على أرض الواقع ..
بموضوعي هاد رح اترك المجال تكتبوا شعاركن أو شعاراتكن إزا أكتر من واحد ، وتكتبوا التاني اللي بتتمنوا يكون شعاركن بهالحياة ، بس ما قدرتوا وعم تحاولوا !!!

رح بلش بحالي : وشعاري تماما متل مو مكتوب بحكمتي تحت : السكوت من سوليتير ..
وفي عندي شعار تاني وهو ( العيون ) ، لأني بعتبرها أكبر سلاح ذو حدين ، بتبني وبتهدم ، ومن خلالها بتترجم أحاسيس وبتنكشف أسرار ..
وشعار تالت مهم كتير بحياتي ( إذا لم تكن ماوكلي ، أكلك شرخان )..

أما الشعار اللي بتمنى اني احمله وما عم بقدر امشي عليه غريب شوي ، بس مفعوله رائع كتير ، ( هكونا ماتاتا ) .. إي ( هكونا ماتاتا ) ما تستهجنوا العبارة .. هي شعار الطناش وأخد الأمور ببساطة وأريحية بهالحياة ، وهو اللي بفتقده ، وبتمنى إني اقدر بيوم طنش وريّح بالي من التفكير ووجع الراس ..

ويلا بلشوووووووووووووووووووووو وووووو