[الموسيقار]

كاتب النص الأصلي : الحاج متولي

يا أخي يا موسيقار
بيقول المتل إذا عرف السبب بطل العجب
يعني قبا ما تقول إني العربي بيفيق الساعة 12 الظهر ...فصدقني إني من يوم ما دخل الدش على بيوتنا صاريت الفيقة هيك وإلا ما كنا نفيق إلا من على طلوع الضوء يعني عند الفجر وفي كتار منهن كانوا يفيقوا من على صلاة الصبح وينزلوا على شغلهن بس شو بدي قلك هي أحد مصايب الغرب
أما بالنسبة للتشفيط بالسيارات و الصربعة على القهاوي و العياط وكل العادات السيئة ما تعلموها الشباب إلا من شوفاتهن للافلام الأجنبية و البرامج الغربية يلي بتورجيك كيف عايشين الهيبيز ومصاريع أوربا ......و التقليد دابحنا
ومافي داعي قلك البرامج يلي عم تنطرح (الغير اخلاقية ) وكلها مثيرة للشهوات وعم بتعلم شبابنا على قلة الحيا وإثارة الشهوات هي هية يلي عم بتفجر فينا وفي شبابنا كل هالمشاكل
يعني بتدور وبتدور وبتلاقي المشكلة مشكلة ركدنا ورا الغرب وتقليدوا
يعني بدي أسألك سؤال : في مشكلة واقع فيها الشعب العربي مو أصلها من الغرب
تحياتي

يسلموا أبو شريك
الله يسلم هالتم

ليش مشاكلنا منشلفها عالغرب صديقي ؟

ليش . ما منعترف ولو خمس دقايق أنو مصايبنا كلها صناعة محلية ؟

معكـ انا أنو في مؤامرات بل أكتر من هيكـ .. مؤامرات بقللكـ .

بس معلش ..
ما فيكـ تنط غير من فوق الحيط الواطي ..



وملاحظة ظغيرة على ( يسلم هالتم ) اللي قلتها لـ يسلم هالتم ..
اذا هيكـ سير الحديث .. فاا خلص وصلتني الفكرة . أنو الغلط غلطي