الحب ما بالايد يعني ما الواحد بيقول لحالو بدي حب بقوم بحب او ما بدي بقوم ما بحب والواحد وقت لي بحب بكون في شي صار فجأة و ما بتعرف ليش ولا كيف وليش هادا الشخص بالذات.
يعني في احساس اقوى من هل الحكي.
و الحب ما ضروري انو ينتهي بالزواج،هوي هدف الحب الزواج بس اذا ما وصلت لهون ما معنى هادا الشي ما كان حب.
واذا كان مشان الحركات هادا ما اسمو حب لأنو وقت الواحد بدو يحب وعم يفكر بالمقابل بكون ابعد ما يكون عن الحب.ومشان يتزوجو اكثر الاحيان ما عم تظبط؟
بعدين شو مشان اذا حكى معها راح تقولو انت مثل اخي.هون بكون الحق عليه ليش؟
لانو قبل ما يحكي معها في 100 طريقة و طريقة لحتى يعرف اذا كانت بتحبه هي كمان و لا لأ
و اذا ما قدر يعرف بكون الحق عليه.و اذا الواحد بدو يفكر بهاي الطريقة ما كان حدا حب او حكى مع حدا.
و مع كل هادا انا ضد الانجراف العاطفي بهل المواضيع لانو ما بتوصل الا أنو الواحد يدخل بألف حيط .و يلي من ايدو الله يزيدو.
وبعتقد انو الحب اكبر من هل 3 اسباب يلي زكرتن.
و انا دايماً بقول شو هو الحب؟ ما بعرف.
على كل حال كل واحد ألو رأي بهل موضوع و وجهة نظر.
و الله لا يروينا
بس اكيد الحب الحقيقي اكبر من هادا الحكي يلي عم تقوله.
هاي اذا كان في شي اسمه حب.