[محمد ابراهيم]

كاتب النص الأصلي : وائل 76

محمد أول شي بلاش نضحك على بعض أنتا مدرك تماماً متل ما أنا مدرك أنو _ الفرقاء الفلسطينين _ اللي بتحكي عنهم فيهم فريق منسجم و متكامل مع النظام المصري في تنفيذ أجندة معينة .. أجندة مناقضة لكل شي منطقي بالكون .. اتركنا من حقوق و ثوابت و خطوط حمر و مرتكزات و زفت .. كل هدا مو مهم .. عم نحكي عن أجندة بينفذها النظام المصري مع _ كونترا _ المقاطعة في رام الله !!

قبل ما نضحك على بعض بلاش نضحك على حالنا !!
ليش الفريق التاني "حماس" بيروح عطول للقاهرة وفي مشاورات مستمرة مع الجانب المصري "اللي بتقول عليه بينفذ اجندة اسرائيل" ؟؟؟
ليش بالاصل يتعب حالو ويروح منشان يحط يدو بيد هالعالم المنحطة ؟!!!
*ليش هنية او خالد مشعل مابيعلنو انو النظام المصري بينفذ اجندة اسرائيل ؟؟؟
* ليش النظام المصري "اللي بينفذ اجندة اسرايل " معارض اجتياح غزة كاملا وبالاخص القصف الجوي المكثف لقطاع غزة.؟؟؟؟؟
* ليش النظام المصري بيحاول يباستمرار انو يوحد الفصائل الفلسطينية في الوقت اللي قادة حركة فتح رافضة تحط يدا بيد قادة حركة حماس؟؟؟ والعكس حاليا بالعكس صحيح.
* ليش النظام المصري ما بيمنع تدفق الاسلحة الى حماس عبر رفح ؟؟!!!! مع انو امر سهل لو النظام بدو يمنع.
النفق الو طرفين (طرف بفلسطين وطرف بمصر)
لو رقابة الحدود امر صعب () غلق مدينة رفح المصرية اصلا مش صعب
لما تجاوب على 50% من الاسئلة ,مابدي اجابتون منك (بدي من قادة حماس ومن قادة فتح) خد تصريحات ال6 شهور الماضية وحطا هون .
ياعزيزي كل هاد سياسة خلينا يالشعب (السياسة مالعبتنا ومارح ندركها لانو في جوانب خفية علينا)

وين الشعب المصري من كل هدا .. يعني مجرد مظاهرة شجب ما قادرين تعملوا يا أخي صار الدعاء ( أضعف الإيمان ) جزء أساسي من أسلوب تعاطينا مع كل شي حتى مع إنسان بينتظر الموت .. الإنسان هون عبارة عن 1.6 مليون فلسطيني في قطاع غزة .. إيمتى بدكم تتحركوا يا محمد ؟!

اذا عالتظاهرات في كتير, الشباب بالجامعات عنا ما مقصرين
بس يامعلم الاوضاع عنا بتمنع الطلاب من الخروج من الحرم الجامعي لانو برا في "وحوش" الامن المركزي هادول مابيرحمو لا طفل ولاعجوز ولاشاب ولافتاة .
وبالنسبة للتحرك يا وائل
بوعدك نتحرك قبل ما انتو تتحركو ب100 سنة

لا تفكر أنو عم نشحت منكم النصرة لأجل فلسطين لاء ! ثقوا تماماً أنو اللي عم نطلبه جزء من واجبكم تجاه وطنكم و تجاه الـ 10 آلاف سنة اللي فرحان عليها .. عارف ليش ؟!
لأنو لما تعرف أنو الفلسطينية رفعوا الراية البيضاء ثق تماماً أنو في اليوم التالي سيبدأ التخطيط للمرحلة الثانية من ( إسرائيل الكبرى ) حقيقتهم التلمودية .. عارف حدود ( إسرائيل الكبرى ) يا محمد وين ؟!
من النيل إلى الفرات .. الفرات عم يشتغلوا عليه هلاء و الخطر الإيراني على دولة ( إسرائيل ) من جهة حدودها الشرقية المتمثلة بالفرات عم يخطط الآن للقضاء عليها .
بقيت الحدود الغربية .. __ النيل ___ !!

وصلت يا صاحبي ؟!

لاء ماوصلت
ال 10 الاف مافرحان عليها بس بقولك هاد تاريخ مكتوب (روح طلع منو افضالكم عالشعب)
لو متخيل انو اسرائيل متعثرة بحماس تبقى غلطان , اصحى وفيق
ما حماس الا حركة "مسلحة" أغلب تسليحها بيمر عبر رفح !!!!
اوعى تكون متخيل ان ايران ممكن تدخل حرب للدفاع عن حماس !!! تبقى مغفل ياصاحبي
كانو حاربو اميركا بالعراق من باب اولى لانها تهديد لحدودها مباشرة .
يعني يا معلم تخيل , امريكا ضد ايران والتصريحات نازلة على ايران بتنذر بحرب وعاملين عقوبات عليها ,, ولهلاء ماحاربت اميركا !!! يعني انسى ايران نهائيا .
وطبعا مستحيل النظلم السوري يورط حالو مع اسرائيل منشان عيون حماس !!!!
كان دخل حرب منشان الجولان (اولى) انما الوضع الافضل الو هلاء المحافظة عالاوضاع وعدم التهور وتحمل خسائر جديدة الى ان يتغير الوضع بالمنطقة , لعل وعسى . وخلي بالك هاد الواقع مانو تحليل .

معلم ,, قادة حماس رح يلفو ويلفو ويلفو (ومافي الون غير النظلم المصري "اللي بينفذ اجندة اسرائيل" على حد تعبيرك طبعا .
بالنسبة لقوة اسرائيل !!! وانو بعد حماس رح تيجي لمصر
طول عمر الجيش المصري مطلع دين اليهود من ايام الفرعون يللي كان بيدبح اولادون وكان بياخد نسائون مشان لامؤاخذة يمارس الجنس معون ويترك جنودو كمان لامؤاخذة يمارسو الجنس معون,
وكان واخدون يشتغلو بالسخرة (هاد مصطلح مصري بيدل عالشغل مقابل الاكل دون اي اجرة + شغل بذل ومهانة وقهر)
الى 73 وسحقهم سحق والقضاء على اسطورة الجيش الذس لا يقهر (عندي فيديو لجولدامائير وموشي ديان بيحكو عن عظمة الجيش المصري بحرب 73)
عفكرة الدولة الوحيدة اللي تلقت اعتذار من اسرائيل هي مصر (في عهد النظام ) اللي بيتبع اجندة اسرائيل.
وقت اطلقو النار على 3 جنود (من الجيش واخد بالك) على الحدود المباشرة مع اسرائيل .
على صعيد اخر اسرائيل عملت كل شيء مع كل الدول العربية ومافي اعتذار واحد راح لاي جهة (سواء نفذت الاجندة او مانفذت)
ومع ذلك كلو انا مابهمني النظام فداهية تاخدو .

أما فيما يتعلق بالسادات و مع يقيني المطلق بأنو حديثك كان مناقض لقناعاتك لكن من باب التأكيد على موقف يا محمد .
بسألك لو عرفت أنو أصبحت القوادة على العرض موضة دارجة هاي الأيام و أنو يعتبر الرجل اللي بيقود على زوجته رجل متحضر هل أنت على إستعداد لتفعل ذلك .. عنهدك إستعداد تكون متحضر ؟!

فمابالك بمن قود على أمته و على أرضه ..

حتى ما تقول كيف قود على أرضه .. أكيد بتعرف أنو طبقاً لإتفاقية كامب ديفيد غير مسموح لقطاعات الجيش المصري تجاوز خطوط القناة !!
يعني بكفي تضحكوا على حالكم و تقولوا أنو مصر دولة مستقلة .. ما في إستقلال و وزير الدفاع المصري ينتظر الإذن من أسياده في ( تل أبيب ) ليمر جيبه العسكري و يتجاوز خطوط القناة أثناء ذهابه لرحلة صيد !!

مالك علاقة بقناعتي ,
انتا بتعرف انو انا ضد اتفاقية السلام اللي وقعها السادات وبتعرف اني ما بعترف اصلا بالكيان الصهيوني , بس نحنا هون ما بنحكي عن قناعتي
نحنا بنحكي عن انو الشخص العظيم عرض حل للقضية والعظماء الفلسطينين رفضو وهلاء رايحين يزحفو ورا فتات حل السادات .
بعتقد القوادين هلا عرفتون من وين وعرفت اساميون قوااد قواد ....

*** مارح اكدب عليك انا شخص متخلف وبكل فخر (شهادة اعلقها عصدري) وموقفي تجاه الاتفاقية وتجاه اسرائيل انتا بتعرفو وعرضتو من قبل . بكل مكان قلت انا ما بعترف باسرائيل كدولة .


بالنسبة لموضوع غير مسموح لقطاعات الجيش انو تتجاوز خطوط القناة انتا ما عندك علم وللاسف ماشي ورا كلام عالم جاهلة او بدا تزيف الواقع حتى تحس بالنشوة في قمة فشلها .

حسب اتفاقية كامب ديفيد سيناء مقسمة ل3 اجزاء
جزء ملاصق للقناة وجز ملاصق لحدود مصر الشرقية مع فلسطين واسرائيل وجزء اوسط بين التلتين .
التلت الملاصق للقناة بتدخلو كافة قطاعات الجيش بكافة تسليحاتها ونظمها . والجزء الاوسط تدخلو كافة قطاعات الجيش بكافة تسليحاتها ونظمها , اما التلت الاخير الملاصق لحدود اسرائيل وفلسطين . وفقا للاتفاقية ارتضت مصر بعدم ادخال اي تسليحات ثقيلة (امثال الدبابات والمدافع وما الى ذلك )ولكن يستطيع اي قوات الدخول اليها .
السادات وقع المعاهدة لاثبات حسن نيتو تجاه اقامة السلام (طبعا الشعب المصري كلو عبر عن عدم موافقتو على الاتفاقية في وقتها) وانا كمان ماعجباني الاتفاقية .

* عندك الاتفاقية موجودة ضمن وثائق البيت الابيض تقدر تطلع عليها عالانترنت عبر موقعهم .
اذا كنت ما بتثق في المصريين .
*عفكرة مافي جنود اسرائيلين بسيناء حتى تقول انو سيناء محتلة كما هو الحال عندك !!!
نسيت خبرك انو وزير الدفاع ما بيحب الصيد