اقتباس:
كاتب النص الأصلي : Joe
بصراحة يعني و مع احترامي للأخ يلي جاوب فوق... بس ما بعرف شو مدى مصداقية شخص حاطط صورة هتلر بالحديث عن الهولوهوكست
ما بعني انو انت ما عندك مصداقية بالحديث عن اي شي... بس بقصد بالذات قصة الهولوكوست
يعني متل واحد مسمي حالو KKK و عم تسألوه رأيو بالعنصرية ضد الزنوج بأميركا
الهولوكوست شيء حصل و هو عبارة عن مجازر مريعة ضد البشرية و ضد اليهود بالذات. في كتير افلام وثائقية الواحد ممكن يحضرها على التي في... بس غالبا مو بالبلاد العربية
هلق كون الصهيونية اعتدت على الفلسطينية و احتلت فلسطين .. و كونها بتستخدم الهولوكوست حجة على الطالعة و النازلة... ما يعني انو الهولوكوست صارت كذب
و ما حدا اصلا انتخب الصهيونية ممثلة عن اليهود حتى نرفض الهولوكوست (يلي هيي جريمة بحق اليهود) كرمال الصهيونية
بغض النظر عما اذا كان مات 6 ملايين او 3 ملايين او 500 ألف... مو مهم.... المهم انهم تعرضوا فعلا لتعذيب و مضايقات و قتل و تهجير... متل ما تعرضوا كمان الأرمن و السريان و مسلمي البوسنة و الهرسك و هنود المكسيك....
بيطلع هون احيانا افلام وثائقية بتورجيكون شوي عن الهولوكوست... و الحقيقة مناظر بتخلي الواحد على شوي يبكي من هول الوحشية النازية
|
شكرا كتير جوي على مرورك ورأيك
وعندي اكتر من تعليق على رأيك خصوصا من ناحية انو نتعلم عن الهولوكست من الافلام
وانو الهولوكست جريمة بحق اليهود تحديدا وكمان عن رأي الفوهرر بالتشكيك انو الهولوكست صارت او ماصارت بالاصل
بس رح اترك رأيي لبعد ماشوف شوية اراء تانية