[التقرير الجوال]

كاتب النص الأصلي : Madmax

طيب لم بتقرا هالآية ( وما خلقت الجن والإنس إلا ليعبدون )
ما بتحس فيها نرجسية ..؟؟

طيب ماكس .. أنا قريت شوي عن تفسير الآية منشان كون موضوعي بردي عليك .. ليك كيف تفسرت العبادة
المراد من الخلق " أي خلق البشر " هو عبادة الله و هو حقيق بذلك لما انزل من نعم على عبادة " بظن هي لا يتناطح فيها عنزان " .. أما البعض فسروها بانو لحتى البشر تُقر بعبادة الله طوعاً او كرهاً .ز كيف لا و هو الخالق و مالك الروح ... اما أحد المفسرين قفال المراد من ذلك كي يعرفوا يعين ..
طيب في عندك المشركين لما كانو بينسالو عن خالق السماوت و الارض كان جوابهن هوي الله .. و هاد ضرب من ضروب العباده الغير نافعة .
ماكس انت عندك مشكلة بمعنى كلمة العبادة .. يعني إذا بتوافقني الرأي الله ليسى كمثله شيئ و موازين البشر و مقاييسهم لا تُطبق على الذات الالهية .. فمن هالباب الله ليسى هو أنت او انا او ربما شخصية بشرية سامية
لا تُدركه الأبصار يا أخي و هو يدرك الأبصار .. قدرة و قوّه مسيره للكون بعظمتة و تطوره و دقّتة الا يكون جدير بنا اظهار شيئ من التواضع له ..
طيب النرجسية مذهب فلسفي سيكولوجي بيحكي عن حب الذات يعني نزعة بالبشر .. انت برايك الله متل البشر
لحتى يتم تطبيق هاد " و خليني سميها ظاهرة اجتماعية مرضية " النرجسية مرض و اذا اسقطنا كلامنا على الله فرح يكون متلنا و يظن بنفسة الظنون و بالواقع هو اسمى من ذلك