سلام...
والله يا أبا ويليام متل مو مبيّن أنّك أنت باشرت وراسلت الصيدلانيّة الأردنيّة، معناتها أنت الغلطان  .
وبكلّ الأحوال كلنا بنعصّب وبنكتب كلام بشع وبيعبّر عن ردّة فعل... بس أنّو توصل لأطعن بالبشر استناداً على عقيدة أو إيديولوجيّة شو ما كانت تكون، فهون بلشت أنحرف وأتخطى حدودي... وما بدي قول أكتر من هيك. الدنيا أعياد وبدّك تسامحها من كل قلبك مو هيك علّمك المسيح يا مسيحي يا كافر  !!!
وخيّو إذا ما رضيت تسامحها أو بالأحرى ما قدرت فبظن الوقت كفيل بمحي متل هيك آلام من قلوبنا، وهاي لعيونك  .
اقتباس:
كاتب النص الأصلي : whiterose
خديني مثال: انا متخانقة مع كل الاعضاء دون استثناء + خناقات ومهاترات
|
بصراحة يا وايت روز ما كنت حابب أكتبلك بهيك ظروف قاهرة... بس كلمتك "بدون استثناء" ما عجبتني واسمحيلي قلك إذا الواحد بيتخانق أو بيرفع معدل الحوار عندو بالمنتدى مو معناتو الأمر صار مهاترة... وما بظنّ أنّو تخانقتِ بالفعل مع الكل بدون استثناء فالمرجو تكوني أكتر دقّة بتعابيرك، من بعد أذنك يعني مو أكتر.
وهاي كمان ألك .
اقتباس:
nour333
بعدين من منكم بلا خطيئة فليرمها بحجر
ودمتم
|
سلام نور... يعني غير أنّو جوابك أعلاه بيهلك دين القارئ كمان مصرّة على الخطأ؟!!! بظنّ كلنا نغلط بس الغلط الأكبر أنّو نحاول نأكد أنو اللي عم نعملو هوّ صحّ، برغم معرفتنا بقرار نفسنا أنو "لأ" مو صحيح. لأن المعرفة عيوني بتأكد الخطيئة وبتثبتها!
وإذا كنتِ كتير ولهالدرجة حاقدة على "المسيحية" أو "المسيحيين" ما بعرف نقي بيناتن، ليش لتقتبسي عبارات من تعاليم المسيح وتستعمليها بردك؟! هلا رح تقولي ثقافة المسيح صايرة إنترناتسيونالِه وما إلى هنالك من أنظمة التثاقف... برغم هالشي من المفضل الاعتماد على ثقافتك أنتِ لأي اقتباس وتأكيد عالكلام.
وأخيرا بظنّ الأخويّة بتساعد على توسيع أفق العقل وتحررو شوي من الجمود الديني يلي عايش فيه... وعم يحاول طول عمرو يدافع عن إله ضعيف لدرجة أنو محتاج لدفاع البشر!!!
خيتو العيش هون بيعلم كتير... بيعلم أنو تنسب ويلتعن رب ربّك وأنت تتطلع هيك وتقول: "ولاد صغار"، بتشوف كتير قيم بتنهزّ، ويقينيّات بتضيع، وعقائد مبنيّة مجرّد على أوهام تضمحل بمجرّد بحث تاريخي أو علمي صغير.
بتمنالك بهالعيد يا نور كل خير وحب وسلام .
Mors ultima ratio
.
www.tuesillevir.blogspot.com
|