[ابن البلد3]

الاب:مخاطب الابن:تعال ولك
الابن:وبكل احترام نعم
الاب:نعامة ترفسك تعال ولك
الابن:ليش شوسويت
الاب:سواك ضريب يخلع رقبتك
الابن:شو فيه
الام:شاوي يشويك رد على ابوك بأدب ولك
الابن:هوه انا حكيت شي
الاب:حكحكو جنابك بالعصايةاوقف ولك منيح
الابن:حاضر
الام:يحضروا على قبرك انشالله لما ابوك يحكي انت بتخرس
الابن:أخرس
الاب:أيوه انشالله خرسة
الابن:ماشي
الام:يجيك مشش بركبتك ماتقوم منه انشالله
الابن:مشش؟ شوهذا المشش؟
الاب: اما انك قليل حيا صحيح بترد بوجه امك وله هات العصاية وتعال ولك
الابن:انا رديت على امي ---امي حكيلك كلمة
الام:موا يمزع نيعك وله حكيتلك اخرس
الابن:اصبح مغلوب على امره ومش فاهم شو الموضوع
الاب:اما جيل قليل حيا احكي ولك ليش انخرست
الابن:شو احكي اذا حكيت بتقولوا عني قليل حيا وبتشوفوني غلط
الام:حية التقرصك انشا لله قلتلك تأدب وانت بتحكي مع ابوك
الاب:أيش بتشوفوني ----شو شايفناعميان ولا حول
الابن:لااله الا الله
الام:الله ياخذك انشالله يار يت خلفت ابت الجيران ولا انت
الاب:انا مش عارف هذا الولد متى بده يصيرزلمه دايما فاظحني بين الناس
الابن:طيب شواعمل عشان تشوفني زلمه
الاب:قلتلك اخرس وله
الابن:يالله-----يالله--- ياجماعة شو الموضوع شوفي
الام:أه---صحيح انت ليش ناديت على الولديازلمه
الاب:بتصدقي يامرة اني نسيت---------نساني شوكان بدي منه هالكلب
الاب:خلص-------روح ياباباارجع على غرفتك الله يلعنك
لاتواخذونا طال الحور
لكم مني التحية ابن البلد3