[محمد ابراهيم]

كاتب النص الأصلي : وشم الجمال

عني بتصوم وعمرك 11 سنة يعني بالصف الخامس هيك شي!!!لك والله مفكرتك مالك دخل وما بتصوم ليش ما بعرف,,,

بالنسبة لنصايحك فانا بعمل فيهم بشكل دقيق
ما بتسحر وما بشرب مي قبل ما يبلش الصيام وما بفطر غير على تمر هندي وشوربة يعني وضعي غير شكل,,,,
ناطرة نصايحك لانو بصراحة حكيك صح بس يعني العادة بتغلب ابو حميد

عظيم انك بتعملي بهالنصايح ،ياريت تكوني افضل طول الوقت
وبالنسبة للصيام ، بصوم وانا بصف أول يعني ماني ختيار ، لاني ولدت بعيلة أغلبها متدين وطبيعي اتأثر بأسلوب حياتهم ، لذلك قلت بدي صوم ومن جانبهم قالو مش لازم اصوم هلاء لانو لسى صغير بالسن وغالبا مارح اقدر اتحمل ، بس صممت ونفذت اللي براسي وكملت الشهر كلو من أولو لأخرو صيام.
لذلك ربما تلاقيني كتير مابصلي برمضان بس مستحيل ما اصوم (رغم هذا التناقض بين عدم الصلاة وبين الصوم الا اني حريص على الصيام جدا)
الحمد لله رمضان هالسنة كتير مختلف بالنسبة الي بحافظ على الصلوات اكتر من اي سنة وبتمنى ربنا يكرمني واكمل الشهر افضل مما بدأتو ، وسعيد كتير وحاسس اني افضل كتير من اي وقت عشتو باي شهر اخر بالسنة معاملتي مع العالم بصفة عامة افضل كتير وانا مع حالي حاسس اني براحة وعلى الصعيد الانتاجي انا افضل كتير من اي وقت سابق ، اللهم الا شغلة وحدة لم اقرأ قرءان هذه السنة وهذا لم يحدث باي سنة سابقة !! .