اقتباس:
كاتب النص الأصلي : Abu ToNi
ما كتير فهمت سياق الجملة الأخيرة .. يعني شو المقصود بالعلاقات البطريريكية الطابع ؟
|
مصطلح يطلق كرمز لسيطرة العائلة على تصرفات افرادها.. ومن الممكن ان تنسحب الكلمة على العشائر والطوائف الدينية ايضا
مثلا العائلة البطريركية شكل تنظيمي عائلي ، حيث السلطة المعترف بها تعود إلى رئيس العائلة، وهو عادة الأب الأكبر سنا في التجمع العائلي
اقتباس:
كاتب النص الأصلي : Abu ToNi
بما يخص 1 :
بخصوص الهيمنة الاسرية بيقصد فيها العشائرية بشكل خاص ولا العلاقا الاسرية بشكلا الحالي المتعارف عليه؟
|
بمجتمعاتنا العائلات الكبيرة حتى لو ما كانت بدوية بتكون ذات طابع عشائري.. بتشوف بالضيع يقولو بيت فلان وبيت فلان وبيتقاتلو هدول مع هدول وكأنن قبائل بدوية
اقتباس:
كاتب النص الأصلي : Abu ToNi
بما يخص 2 :
خليني ساكت لأن اذا بدي احكي على السلطة الدينية بدي اشطح لبعيد كتير فخليني ضب لساني اشرفلي 
بما يخص 3 :
المجتمع المدني صيغة بديلة لوجود الدولة ام صيغة مرادفة ومكملة لمفهوم السلطة والمسؤولية ؟
يعني فينا نميز بين القوانين المدنية وبين قوانين الدولة الرسمية ؟ ولا يفترض نعتبرن وحدة واحدة ومتكاملة ؟ |
لا بس قوانين الدولة الرسمية لازم تفسح مجال أمام المجتمع المدني وتصيغ قوانينها بعيدا عن الدين بحيث تكون جميع الاديان وجميع الطوائف خاضعة لنفس القوانين وتسمح للافراد بممارسة دور فاعل في تطوير المجتمع والدولة
اقتباس:
كاتب النص الأصلي : Abu ToNi
مصطلح الفرد المستقل بيحمل معاني مطاطة كتير فشو القيمة المراد منا ؟
يعني شو الاستقلالية الواجب تحقيقا بالنسبة للفرد حتى يكون عامل وناشط بالمجتمع المدني ؟
استقلالية باتخاذ المواقف ، استقلالية مادية .. استقلالية شو بالضبط ؟
|
فرد مستقل يعني فرد مستقل انسانيا.. انسان بحد ذاتو الو قراراتو اللي مانها مستمدة من عشيرتو او طايفتو
شكرا على اهتمامك.. اي بشجعك تبحث اكتر بالموضوع.. لانو عن جد موضوع مهم ..