اقتباس:
ياس , انا ما عم انفي ولا شي من اللي انت عم تحكيه لكن بنفس الوقت اللي عم قوله هاد الشي مافيك تلومه على شخص واحد استلم الحكم من مدّه شي عشر سنين و هالنظام بالبلد ماشي من اكتر من عشرين سنه !؟ لمّا استلم الحكم ما كان وضع البلد 100% و هو اللي خربه لحتّى نعاتبه اله وحده .. انا بتفق معك بمعظم اللي قلته و ما عم ناقش ضدّه او باتجاه مختلف انما في مجموعه كبيره من الناس التانين هي اللي المفروض تتعاتب و تتكمل بعض من مسؤوليه اللي عم تحكي انت عنه لكن نحنا بنلجأ لانو نشيلها من الصوره , و ما بنلوم ايّ شي تاني سوى الرئيس. موقعه بيسمح بذلك لكن انا نقيفه ضميري ما بتسمح - لا تقول تضربي انتي و ضميرك سامعتك 
|
أنا ما عم لوم شخص بحد ذاتو.. عم لوم نظام كامل قائم و هالشخص هو رأسه.. و ما بينفعني قول والله مو ذنبو لأنو هالأمر موجود قبل ما يجي... يعني هاد شي مالو منطق من أي نوع لأنو هو بحد ذاتو نتيجة لما حدث قبله.. على كل هذا موضوع تاني
أوكي معك انو مافي شي بينحل بين يوم و ليلة.. لكن صارلو العهد الجديد 8 سنوات.. بغير دول بالعالم ممنوع رئيس يستلم أكتر من هيك.. يعني قديه بدو وقت العهد الجديد ليثبت فعلا انو بدو يعمل شي؟ 30 سنة كمان؟ أوكي الأمر طويل .. بس في خطوة اولى انمشى فيها؟ لأ طبعا..
سكرو القسم السياسي بتدمر بس وسّعو صيدنايا.. و لليوم الناس يتم اعتقالها
مافي قانون احزاب (صرلون يحكو فيه من عشر سنين.. عدلو الدستور بعشر دقايق مشان يستلم بس لهلأ ما قدرو يعملو هالقانون المسعدة)
مافي قانون مطبوعات ( نفس الحكي فوق)
سياسة الحجب و التعتيم بالانترنت هاي من منجزات العهد الجديد.. اصلا يفترض انو دخول الانترنت ع سوريا كان برهان شخصي من الرئيس لما كان رئيس الجمعية.. ما عم نقول عن شي صار من زمان.. امبارح رجعنا انحجبنا..
اقتصاديا؟؟ منحكي اشتراكية و مدري شو و عم يمشو بخطوات جبارة نحو الرأسمالية بأبشع صورها... اللي نهبو على مدى 30 سنة هلأ بدهون يستثمرو مصاريهون و لسى لازم نصفقلهم و نقول رجال اعمال... يعني مو ناقص غير يقولو انو الاستقلال صار برعاية شام القابضة..
نعد كمان... و الله بكتئب..
أكيد كلنا النا واجبات.. لكن مو مشكلة البلد انو ابدأ بنفسك و لا تكب المحرمة بالشارع.. المشكلة أعمق.. مشكلة جيل ورا جيل عم يطلع مؤدلج بشكل محدد و بنوايا محددة .. و هاد أخطر أمر.. يعني مو حرام نسمع من شب بالعشرينات يقول الحمد لله في خبز و خلونا بحالنا و مالنا بالمصايب؟ هاي روح شباب هاي؟؟