اقتباس:
كاتب النص الأصلي : MOHAMMED JIGSAW
أنا داخل ع المنتدى ع أساس انو فيه شباب سوريين
بس الظاهر اني مخربط
أنتو بتعتبرو حالكن سوريين .وكل واحد فيكن ما صدق يطلع موضوع وسخ بجريدة أوسخ مشان يقعد يحكي ويتفلسف ههه
ليش ما حدا ذكر انو السيد الرئيس بشار حافظ الأسد طلع تاني شخصية بيحبوها الناس والها شعبية بعد شافيز يعني لو طلع شي حدا تاني كنتو ما صدقتو تحكو مشان تمدحو فيه وبشخصيتو
لك أنا بفتخر انو رئيسي بشار حافظ الأسد لك حاج انو ما حدا فيه يحكي ع مواقف سوريا العظيمة
أنا سوري وبفتخر بوطني سوريا وبرئيسي بشار حافظ الأسد
|
شو بدك بالحكي يا معلم انت الوحيد يلي فشيتلي قلبي بهالموضوع... بالفعل هدول مو سوريين إسألني أنا بعرفون واحد واحد
هدول يلي هيك عم يكتبو جماعة خونة وعملاء لوليد جنبلاط وسعد الحريري
... ولا مابعرف لتكون هي التهمة ماعد تزبط لأنو سمعت إنو الشباب رجعو تصالحو وجايين عالشام وبكرا الشباب بيرجعو بيعلقو صورهن متل مافلت بزمناتي
هدول أكيد عملاء لإسرائيل
... ولا كمان هي ماعد تزبط لأنو المفاوضات شغالة
أكيد عملاء لأميركا
... ولا صحيح هي كمان ماعد تزبط لانو الامور مع اميركا بخير ورايحين جايين لعند بعض وماعادت تهمة هالعلاقة...
أخي شو بدنا نحنا هدول أكيد خونة وبهالكم يوم منجتمع أنا وياك ومنقرر خونة وعملاء لمين... ماتشغل بالك مندبرها بمعرفتنا ومنركبلون تهمة..
والخلود لرسالتنا
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!