[أسير التشرد]

كاتب النص الأصلي : Geeny

حدا يجاوبني على هادا السؤال يلي طرحو ماد ماكس

انا بجاوبك يا عزيزتي...
اي بنفوت ع المنتدى منشان نزيد مشاركاتنا...
لما بتأكدي ع السؤال اكيد رح تلاقي الجواب..وانا رح قلك انو عم ادخل منشان زيد مشاركاتي هون وهنيك...
لما بشوف كل قسم بدو مشاركة بشارك..بمشاركة وحقي انو يزداد عدد مشاركاتي...لانو بكل مشاركة إلي رقم...
بغض النظر ما مضمون المشاركة...حقي برقم مشاركتي...

لما بدك تأكدي ع السؤال...وتطرحيه هون...حاولي تتفهمي كل شرائح الاعضاء اللي بالمنتدى...
هلأ يمكن رح تجاوبيني انو محاولة لكبح هالقسم ...اللي هو مقر اغلب الشلل والعصابات واغلب الاعضاء بياخدو حريتهم فيه... باعتبار بقية الاقسام عم تعاني من فقر شديد بالمواضيع الجدية...

عزيزتي عنا بالمنتدى ناس...ولكل كائن مذهب بطريقة كتابتو وطريقة اسلوب واي قسم بيختار ليكون حسب حاجتو ومتنفس إلو.. من صخب حياتو الواقعية... ما بدنا نكون سبب بتقيد حرية بعض المجموعات بانو نقول يا هو يا هي... حاجتكم مسخرة وعلاك مصدي..فوتو عاقسام تانية واكتبو شي جدي وخرج نقاش وحوار...!!!
من غير الامكان انك تمشي الناس ع رغباتك وطرح تساؤلاتك... بالمنتدى في اعمار لكل عضو...ولكل عضو اتجاه معين لقسم معين...وبياخد راحتو فيه وبيشارك فيه...هلأ لما بتشوفي كمشرفة انتي بشي قسم إلك صلاحية فيه..
قومي بترتيبو من الناحية المواضعية وحاولي تنشطي قسمك باسلوبك...

لقلك شغلة...وانشاله تفهميه بالشكل المناسب...كعضو جدي بالنقاش ومحب للحوار... ما رح يتوجه لاقسام الالعاب ...او السقيفة اللي بنظر البعض مكان شنيع غير قابل ليكون قد ثقافتو وحضارتو المدنية... هالانسان رح يطلع ع قسم المنبر الحر او المكتبة ورح يلاقي ضالتيه العلمية...من دون ما يشوف بقية الاقسام...
لما بتشوفي العدد الكبير بالاشتراك بهالمنتدى بتلاحظي منشان تنزيل ملفات وكتب المكتبة وبرامج الكمبيوتر وتردادت القنوات... مو منشان الالعاب... او زيارة السقيفة...

انصحك بزيارة بسيطة لصفحات السقيفة منشان تشوفي المواضيع اللي فيه...وتشوفي مستوى الكلام اللي فيه...وبقية الحوار والنقاش بين الاعضاء...
في مواضيع ما بيخطر ع بالي انسان وافكار يمكن تكون مبدعة...
وحاجتنا كبت نفس ع بقية الاعضاء...وكل واحد يشتغل ع قسمو ويطورو من دون انو يعيط ع الناس...
ولما الناس بتشوف الحضارة بقسمك رح تنجر بلا وعي لقسمك ويكتب ويتعلم...بقا المشكلة مو بالاعضاء اللي بحبو يكتبو بهيك اقسام المشكلة باللي ماسك امور هالاعضاء... من دون تفهم بسيط لتوجهاتهم...

ومعلومة اضافية...السبب بتواجد اغلب الاعضاء بالسقيفة...لانو الحرية متواصلة بهالقسم...بغض النظر ع المنسقين اللي انفرزوا من جديد ع القسم...وبدل ما نشوف منهم التنظيم والاشراف المسؤول ...شفنا تسكير المواضيع...
برأيي الشخصي تسكير اي موضوع هو دلالة ع ضعف المشرف بالاشراف...لما ما بيقدر ينحي بالموضوع لصالح النقاش يقوم بالتسكير...ما بدي اعطي دروس اشراف هون...خلونا بالمفيد... لهذا السبب عم نشوف الاعضاء بياخدو حريتهم بالسقيفة...كون من الاسم عم نلاحظ عدة اشياء مكان بعيد عن الضوضاء والصخب مكان مظلم ما حدا رح يزعجك...بتلاقي متنفس إلك...

ويا هلا...