أنا كمواطن عربي منتوف ريشه ومتعود على خيبة الامل في كل تغيير على المستوى المحلي اقرأ عبارة اوباما(التغيير قادم)كالتالي":
-كل شي راح يتغير من حول البلاد العربية الا البلاد العربية نفسها والعرب نفسهن.وكل تغيير ايجابي على مستوى العالم راح ينعكس سلبا على البلاد العربية شنو احنا مو داخلين حسابات هالدول الكبرى الا كسلعة معروضة بالسوق قابلة للزيادة والنقصان بالسعر حسب قانون العرض والطلب.
-نحنا سوق نهم وشره يتلقف كل منتجات هالعالم سواء صالحة او مو صالحة للاستهلاك البشري ومستعدين كمان نتلقف الافكار والمخترعات الحديثة ونطبقها بشكل سطحي يعني بلع بدون هضم ولامضغ
-نحنا مكب نفايات كبير للمبادرات الدولية وللنفايات الخطرة وللتصريحات الكبيرة يلي مابيطلع عنها الا الشي الصغير والضئيل
-نحنا دايما كومبارس بالمسرح الدولي ومو فارقة مع اوباما تحليلاتنا وتشريحاتنا السياسية
-نحنا فار التجارب لكل المخترعات الامريكية الجديدة من رؤوس نووية وطائرات شبح واباتشي
بعد كل هالحكي انا بفهم التغيير في الولايات المتحدة راح ينعكس على المنطقة العربية على شكل تغيير في (آلية إدارة النفايات الصلبة إما بزيادة الطرق او باستخدام عوامل حت وتعرية جديدة غير يللي خلقها ربنا)
وانا بصراحة كتير عازز علي فراق كوندرا رايس لانه القيادات الواعدة أدمنت على ريحة العطر يللي بتحطه وكمان في شوق وتلهف للمبعوث الجديد للشرق الاوسط يمكن يكون شي جديد على طراز (مونيكا سيليش)...وبمناسبة هالنجاح العظيم لاوباما بهدي اغنية كمننا للشعب العربي
من انا بعد هذا الرحيل الجماعي؟؟
|