[Willi]

هلق قريت ال 17 صفحة بالاخر لقيت انو الشب بدو يروح وما بدو يروح وبدو يروح

على كل حال
حبيت تروح فالله معك
حبيت اتضل اهلا وميت سهلا فيك
بس بالنسبة لمواضيعك
انا من الناس اللي شفت موضوع تبع انو اسم الله مكتوب بجسم الانسان
موضوع بلا طعمة
خليني قلك ليش واتقبل هالنقض بروح رياضية مشان بلكي بتصير مواضيع حلوة وبترضي الكل

اولا موضوعك مكرر ومنقول بدون ما تعرف مين كاتبو
يعني موضوع متل هاد (علمي) لازم على القليلة يكون محطوت فيه اسم الكاتب, اسم العالم, اسم الجامعة او المخبر اللي لقو فيه هالحكي, لك حتى اسم الدكتور اللي لقى هالشي

طبعا حتى لو عملت هيك هاد مانو كافي
موضوع علمي لازم ترفق معو لينك من الجامعة اللي عملت هالاختبار
بهيك حالة ما حدا بيطلعلو يحكي معك ولا كلمة

بس غير هيك الموضوع اسمو صف حكي وما الو طعمة ابدا
متلو متل كتير مواضيع عالم بيكتبوها وبألفوها من عقلهون مشان يحاولو يخلو العالم تأمن بدينهون او بالله, بالكذب. بس هيك ما بيمشي الحال لان الانسان عم يكذب على حالو وبس.

مشان هيك نعم الموضوع سخيف وما الو طعمة


قريت برد من الردود كمان مكتوب عن فرعون والعالم اللي اسلم
موضوع فرعون لسى اسخف من هاد الموضوع
لان التنين مافيهون ولا اصغر دليل على الحكي يعني مجرد حكي من دون دليل انو هالاختبار او هالبحث بالاصل انعمل


مشان هيك الك ولكل الاعضاء (اللي بحبو يكونو نظاميين)
اذا بدكون تكتبو مواضيع متل هاي جيبو معها لينك من جامعة معروفة او حايلة مكان معروف بيعترف عليها

طبعا مو تكتبو لينك لمنتدى تاني منقول عليه الموضوع, موقع للمكان اللي عمل البحث.

بالنهاي اهلا وسهلا فيك اذا حبيت تبقى, بس اتبع قوانين المنتدى مشان يكون مرحب فيك.
الحكي مو بس الك
نص اللي ردو عالموضوع بيعملو متلك واكتر, وحكينا معهون اكتر من مرة, بتمنى تكون انت زلمة فهمان وما نضطر نحكي معك اكتر من مرة.
تحياتي