حسووووووووووووووووووووووو ووووووووووون بالمقلاية
سنفرووو بارواحكم
انشاللله تعجبك مقلاياتنا حسووون
وياويلك ازا بتقول عني كلمة هيك او هيك
منبدا باسئلتي المعروفة
وممنوعة منعا باتا استخدام ال يش يش
عمرك؟
حفوت قريبا بال 28
مهنتك؟
طبيب...سنة تالتة اختصاص أشعة
حالتك الاجتماعية؟
عازب
بتدخن؟
أي
ازا اي من ايمت؟
من سنة ال 2000
اي يلا كم سيجارة بتدخن بالنهار؟؟؟
يعني بين ال15 وال 20
شو نوع الدخان اللي بتدخنه؟
دخان فرنسي اسمو Interval
بتشرب؟
أي بشرب
ازا اي من ايمت
ع الاقل من صف الحادي عشر...يعني من شي عشر سنين...
واديش؟
غالبا بالمناسبات الاجتماعية بس احيانا لحالي بحط كاس نبيذ او كاس ويسكي...
وشو اكتر نوع بتحبه
كنت أشرب عرق بس بعدين وقفت لانو صار يزعجلي معدتي...حاليا ويسكي ونبيد
انت ليش هيك؟؟؟
مابعرف...يمكن بحصيلة التجارب يللي مريت فيها...انفرض علي صير هيك
شو اكتر غنية بتحبا؟؟ وليش؟؟؟
عربي...بحب غنية ماجدة الرومي (بالقلب خليني)
اجنبي...بحب Bohemian Rhabsody ل Queen
مين مطربك المفضل؟؟
عربي بحب مرسيل خليفة
أجنبي بحب Pink Floyd
.شو المواضيع اللي تقراها بالمنتدى
حاليا ولا شي....أحيانا بقرا موضوع من المنبر او السقيفة...
شو الصفات اللي بتكرهها بالانسان
بطبيعة الحال كل الصفات السلبية...بس الشي يللي ما بقدر اتعايش معو هو انكار الجميل والاستحمار
والصفات اللي بتحبها
كل الصفات الايجابية بس بحب الصراحة والبساطة...
شو حكمتك بالحياة
ما في حكمة محددة...ما بقدر شوف شي معين بيعطيني قاعدة بالحياة....
بس الحكمة انو الواحد يكون حكيم....ومتعقل...
شو هيي صفات امراة احلامك
تقدر تتحملني...تدعمني وتقويني...وما تتخلى عن المشوار بنص الطريق...
وتقدر يللي رح اعطيها ياه....
علمها وجمالها مش مهمين...هدول الها مش الي....
اذا ربحت مليون دولار, شو بتعمل فيها؟؟
ماني من الناس يللي بيهتمو بهالشي ولا بفكر أصلا اخطي خطوة لارح مليون دولار بس اذا صار ولا البد...بدي اضمن فيهن حياة كريمة لأبي وأمي بس يكبرو...
أمن متطلبات حياتي اليومية منشان اقدر تابع مسيرتي العلمية والعملية بدون هموم....
انت سعيد بحياتك وليش
أي لأني عم ابني حالي بدون مساعدة حدا...عم اتعلم واكتسب المزيد من المعارف والتجارب...وعم اقدر بلش مشروع لحياة أفضل...
اذا لاء كمان ليش؟
لأني جسديا عم اتراجع نحو الاسؤأ بشكل سريع...عم ضيع أحلى أيام عمري....
.اذا فشلت بتحقيق حلمك شو رح تكون ردت فعلك؟
رح بلش من جديد يمكن بحلم جديد يمكن بالحلم نفسو بعد تقييم اسباب فضل تحقيق الحلم...اذا كانت خارجة عن ارادتي رح حاول احلم بشي تاني...واذا كانت ناتجة عن فشلي رح بلش بس بطريقة جديد وبنهج واسلوب معدّلين...
وشو هي اكتر مادة بتكرها و كمان ليش؟
بكره فيزياء الرنين المغناطيسي....ليش؟؟جربي تقريها وبعدين بتفهمي ليش
هل بتامن بالابراج ؟ و علل جوابك
لاء...بس بسمعها من وقت لتاني بس حس انو عندي شي مشكلة مستعصية والمدهش انو دايما بقدر حوّر يللي بينكتب بالابراج بطريقة تناسبني وهاد يللي بيخليني شك بمصداقيتها...يعني بكون متخانق مع حبيبيتي مثلا (هلق ما في حبيبة)....بقوم بقرأ الابراج بيقلولي...عاطفيا عزيزي مولود برج الثور...انت تمر في حالة مختلفة اليوم...ولكن اورانوس سيتوضع بين المشتري والزهرة بزاوية 102 مما سيسمح للتاُثيرات الفلكية ان تتدخل وتساعدك على الانتقال الى حالة افضل....
الشغلة يللي بأمن فيها...أنو تنين من برج التور مستحيل يجتمعو.....رغم كل شي بالكون...
هل بتامن بالقدر؟ علل جوابك
القدر....هو مستقبلنا متل ما عم نتخيله هلق وماعم نقدر نعرفو....
لما بيكون عنا القدرة انو نرجع بالزمن بأمن بالقدر...
لما بكون قادر اني ارجع وقف عند مفترق طرق وقفت عندو بالماضي واخد الطريق التاني يللي ما اخترته وقتها...وبوصل لنفس النتيجة يللي وصلتلها هلق...وقتها بقول أني بأمن بالقدر...وقتها بنستنتح انو شو ماعملنا فقدرنا واحد....
علميا كل فعل بيولد ردة فعل مختلفة عن يللي بيولدها الفعل الاخر...اذا مش نوعيا فكميا واذا مش كميا فنوعيا...اذا مش كميا ونوعيا سوا...
وبالتالي ما ممكن النتيجة وحدة....
وبالتالي ما بأمن بالقدر...
هل بتامن بالسحر و المشعوذين؟ علل جوابك
كل شي ألو نتائج ملموسة ع أرض الواقع بأمن بوجوده بس مش بالضرورة أمن بشرعيته...
عرفلي البيروقراطية والديكتاتورية
البيروقراطية...هي مفرز طبيعي لأي بنية مؤسساتية...وجود طبيعي ومفهوم...غير قابل للالغاء ولكنه قابل للتعديل...
الديكتاتورية..الخط كتير رفيع بين الديكتاتورية الظالمة والديكتاتورية العادلة...
شو اكتر شي بيعصبك؟
لما شوف شخص كتير صغير عم يغلط بحق شخص كبير ويتهجم عليه (بالسن...اوبالقدر...او بالخبرة....او او او)
شو اكتر شي بيفرحك؟
لما كل يوم بيقلولي بالشغل اني احسن عنصر شاب مرق ع القسم من شي عشر سنين...بحس بالرضا
شو رايك بقضية الشرق الاوسط؟
يش يش
شلون تعرفت على أخوية ..؟
ما بتذكر ع شو كنت عم دور بس كنت عم غوغل شغلة....
شو هدفك بالحياة ...؟
لما موت يبكي علي ناس ما بعرفهم....
مين أكتر أعضاء بتقارلون بالأخوية ..
مش مفهوم هالفعل (بتقارلون)
كم اخ و اخت عندك؟
أخ واحد اكبر مني بأربع سنين...
مين من اخواتك هوي المفضل عندك وليش؟
شو هوي فيلمك المفضل وليش؟
ما عندي فيلم مفضل وما عندي ممثل مفصل...في مجموعة من الافلام يللي أثروا فيي....
مين ممثلك المفضل وليش؟
كتار بس بحب روبن ويليامز....بحب جيرارد ديبارديو....وبحب عمر الشريف...
شو اكتر شي بتحبو بالحياة وليش؟
أكتر شي...القهوة والشوكولا...
شو امنيتك بالحياة؟
متل هدفي بالحياة...أترك بصمة....
شو ناوي تدرس؟
بدي أعمل أختصاص فرعي بالاشعة التداخلية اذا قدرت...
شو أكتر معادلة كيمياء حفظتها بحياتك؟
معادلة اينشتاين إذا كان أ= النجاح . فإن أ = ب +ج + ص. حيث ب=العمل. ج=اللعب. ص=إبقاء فمك مغلقاً.
شو أحلى قصيدة مرقت معك؟
ما بقرا شعر كتير عادة بس بحب قصيدة قطّتي الشامية لنزار قباني
عطو دقيقة لنقراها سوا....
أضناني البرد .. فكومني
داخل قبضتك السحرية
خبئني فيها أياماً
إحبسني فيها أعواماً..
إحبسني كالطير المرسوم..
على مروحةٍ صينيه..
فالحبس لذيذ ٌ و مثير ٌ..
داخل قبضتك السحريه..
لا تفتح كفك .. و اتركني..
أرعى كالأرنب..
في غابات يديك الوحشية..
لا تغضب مني.. لا تغضب
فأنا قطتك الشاميه
هل أحدٌ..
يغضب من قطته الشاميه؟
أتركني .. ألعب كالسنجاب
على الأدراج العاجية
وفتات السكر ألحسه
داخل قيضتك السحريه
أمنيتي تلك.. وما عندي
أغلى من تلك الأمنيه
لو أملك زاويةً بيديك..
لكنت ملكت البشرية..
خبئني في خلجان يديك..
فإن الريح شماليه
خبئني.. في أصداف البحر
وفي الأعشاب المائيه
خبئني في يدك اليمنى
خبئني في يدك اليسرى
لن أطلب منك الحريه..
فيداك.. هما المنفى.. وهما
أروع أشكال الحريه
أنت السجان .. وأنت السجن
وأنت قيودي الذهبيه
قيدني .. يا ملكي الشرقي
فإني امرأة ٌ شرقيه..
تحلم بالخيل .. وبالفرسان
و بالكلمات الشعريه
إني مولاتك .. يا مولاي
فغص في صدري كمديه
سافر في جسدي كالأفيون
وكالرائحة المنسيه
سافر في شعري في نهدي
كطعنة رمح و ثنيه
سافر.. ياملكي حيث تريد
فكل شطوطي رمليه..
سافر .. فالريح مواتيه
وأنا .. راضية ٌ مرضيه
ضيعني ..
في أ حراج يديك
سئمت .. سئمت المدنيه
حيث الأشجار بلا عمرٍ
حيث الأزمان خرافيه
أرجعني .. صافيةً كالنار
و كالزلزال بدائيه..
حررني من عُقدي الأولى
مزق .. أقنعتي الشمعيه..
وادفني .. تحت رماد يديك
شهيدة عشق صوفيه..
أدفني..
حيث يشاء الحب..
أنا رابعة العدويه..
شو درس العلوم المفضل يلي حفظتو؟
ما في شي بذهني هلق...بحياتي ما حفظت درس علوم متل العالم والناس...
شو حدود سوريا الجغرافية؟
معلوماتي الجغرافية شوي ضعيفة بس بعد جواب حسام بمقلايته ما عندي جواب...
شو طبيعة لبسك : سبور -فنكي -رسمي ؟
أخر اهتماماتي اللبس بس بشكل عام سبور شيك...يعني جينز وقميص...ما بحب الجخ باللبس...وما بفكر شو بدي البس عادة...
شو اكتر موقف محرج صار معك؟
كتير مواقف بس اكتر موقف بتذكره يوم وقفت صبية بعد فترة من تبادل النظرات قدام بباب مكتبة الجامعة....وفاتت وفوتتني بالحيط....وكبرت راسها ورجعت صار تبعت مراسيل...بس يللي صار كان صار...
بتعتبر حالك ن الناس ياللي بيحكو كتير؟
لاء...بشكل عام لاء...بس اذا فتحت أحيانا...ما حدا بيهديني....مع انو عندي ثقة انو ما حدا بيسمع...
شو اكتر اسم بتحب للشب وللبنت؟
اكتر اسم بحبو للشب آرام
اسم للبنت بحب نور...
مين قضوتك بالحياة ؟
حسب بشو....
شو رأيك بالطفولة و الولاد ؟
يش يش
مين أعز شخص على قلبك و ليش ؟
يش يش
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
اذا كان احد افراد العيلة هو ابي او امي او اخي فاكيد حيكون هو....هدول ما بيتخلو عنّي لو شو ما صار بالدنيي....اما الحبيبة بتتخلى بأي لحظة بتحس اني صرت أقل من يللي بتتوقعو مني....
شو أحلا أيام حياتك؟
لسى ما اجت اكيد....
شو الحياه بالنسبه إليك؟
فرصتنا نبني شي لنضمن لغيرنا حياة أحلى...
شو بنظرك بياثر اكتر دموع الفرح أم بسمة الفرح؟
يش يش
شوالشي الذي تتمنى أن يرجع؟
ولا شي....كل شي راح قبلان انو راح وما زعلان عليه...
موقف صار لك ولا تقدر تنساه؟
يش يش
شو أفضل لديك بمراحل النمو هل هو الطفوله ام المراهقه ام الشباب أم الشيب؟
بعتقد مرحلة الطفولة والشبيب...لانو بالاولى كنت طفل بين ايدين اهلي ومرحلة الشبيب حكون مع ولادي
زيت المقلاية عم يحرقك شي؟
أبدا بس وجعني ضهري من الوقفة ع البار...
ازا اضطريت انو تختار بين تتين من رفقاتك شو بتعمل
بختار واحد من بين التنين...
الاجوبة لازم تكون مختصرة بمالايقل عن ست اسطر
تعبتيننننننننننننننننني
وبالتوفيق
