اقتباس:
|
هناك في العالم تيار برأيي يسمى الآن الاصولية العلمانية تساوي بالشدة وتعاكس بالاتجاه الاصولية الدينية.
|
أكيد.. أؤيد هالكلام بشدة.. لكن ليس بهذه الحالة
مشكلة تركيا انو التيار العلماني هو التيار القومي الشوفيني تبع أتاتورك.. هالتيار يعتبر انو كل مشاكل الأتراك اجت من مخالطتهون للعرب و من أخذهم لستايل الحياة الاسلامية... (حتى الحروف غيّروها ليبينو شيك أكتر)
لذلك... بحط ألف نجمة و مليون اشارة قبل ما اقول انو تصرّف المحكمة الدستورية و الحرس القديم تبع الجيش هو نتيجة العلمانية... لأ أبدا.. هنن ما بيهمهون شو بتفكر المخلوقة و لا شو خلفيتها الفكرية و لا شي من هالقبيل.. ما بتفرق معهون تكون اصولية ببيتها أو تكون حتى ارهابية .. يهمهون انو ما تروح عالجامعة محجبة... فقط
الصراع هو صراع بين تيار يحاول مصالحة تركيا مع تاريخها أولا و مع محيطها ثانيا (و صدقني ضمن هالتيار أنا بدرج قسم كبير من العلمانية التركية و جزء كبير جدا من المثقفين الأتراك) و تيار شوفيني يحاول الغاء علاقة لقوميتهم مع شيء ما يفترض بالنسبة لهم انه كان سببا في انحطاطهم (و التاريخ ينفي هالشي طبعا)
و أكيد قرار المحكمة الدستورية هو صفعة كبرى بوجه الديمقراطية التركية الفتية ... و اللي كتير منا عم ينظرلها باعجاب