[handsome]

كاتب النص الأصلي : يمان Rooooonaldo

تعا لقلك .. طيب ابو السيم ..

هلا لو انت حضرتكم يعني . خلصت .. وفتحت شركة هيك .. وصرت من اكبر تجار العالم ..


والبشرية والفانس كتار.. وما بعرف شو

وصرت تلعب بالمصاري لعب .. والله حيو والنزكلة للسما ... والسفريات .. اخدتلك شي وحدة المانية .. بتروح انت وياها عالمباريات .. ورواق ..
بتنزلو عالشام بتشتري بيت وسيارة .. وفيلا ..

بتزبط وضع الولاد هون ... بترجع بتعلمك جولة سياحية .. وبترجع بتلاقي ولادك كبرو سنتين برياحة ..

بعدين بيجو الولاد بيصيرو بنقو بتعرف بدون غراض .. بدون اكل .


بتجي انت بتحاسب عنك .. وعنون .. يعني كفونة ..

كلو هاد مانو مصروف..


يعني بشرفك بشرفك .. هلا انت لح يجي ابنك يقلك ابي .. بدي منك هال خسا عشرين وركة ..

بدنا نشتري صاروخ شاروما بعد ازنك يعني ..

طبعا انت .. لح تتلبك ب ...... وتقلو والله ما بعرف 25 ما 25 .. دقيقة ومدري شو

وتحرم الولد وهيك ..


بقا بشرفك ... انو يكون عابد جنبك .. بهي اللحظة .. مانا حلوة هيك قديش بتشوف حالك قدام ابنك انو انت عرفت

تعطيه ال 25 وانت مامن انو في مين عم يتابع حساباتك .. لك يا بييي


وحياة عيونك ... مثال تاني .. لو جدك او ستك اجا عبالون كاسة بالوظة من عند عمك بكداش.. وقلك يا جدي برضاي عستك جبلي كاستين .. وتعال

بتروح انت لهنيك .. ما بدك مين يظبطلك جداول مالية .. كرمال ما تنكسر الميزيانية .. يغطي الوضع هون وهون

لك وهللم جرة ..

بكرا البامبرز لحالو .. لولادك يربو بعزك .. بدون جداول مالية لتقول .. حاجة ...

شو بدك عدلك لعدلك .. لك يا خيو ... ما بدي هيك طول عليك كتير ..

بس يعني صراحة صراحة ... .


اي والله حياتك من غيرنا ... سلطة
+

حشيش المساء

اول الشي المرة رح تكون سورية ما فشرت روح حالي عوحدة المانية
بعدين منجي خيو من الاول
يعني باعتباركون انتو جماعة الاقتصاد تفكيركون محدود فرح اجي انا معك
خيو اجا هالفصعون بدو ياكل صاروخ شاورما ( من ايمت نحنا منسمي صندويشة الشاورمة صاروخ هادا المصطلح بيستخدمو بالسعودية, وعالسيرة انا جوعان وانت هلق ما عرفت تجيب غير هيك مثال بيشط الريق) المهم هلق عطينا هال خساوعشرين ورقة للولد وقلنالو يروح يجبلو شاورماي
طب هلق انتي فكر معي انو مافي مهندس ساوا هادا الغاز الي بيحطو عليه اللحمة؟
ومافي مهندس اخترع البراد الي كانت اللحمة محطوطة في قبل والي حاطط فيه الخضرا والمايونيز مشان ما ينتزعو
ومافي مهندس عامل طرقات مشان الواحد يروح عبياع الشاورما
فتخيل يرعاك الله شو كان ممكن يصير بالحياة وقتا
خيو انتو شغلتكون ثانوية , يعني نحنا الاساس وانتو الي بتكملونا
مهندس بلا محاسب فينو يضل عما يكتشف ويظبط هالحياة, بس واحد تاجر بلا مهندس بيضل متل الشاورما الي بلا لحمة
يعني فينا نحنا نعيش بلاكون بس انتو ما فيكون تعيشو بلانا

بعدين خيو اجت ستي ( لانو جدي عاطيك عمرو من زمان ) وقالتلي روح جيب بوظاي من عند بغداش, هلق اذا كان بغداش منتقل من سوق الحمدية عالقطب الجنوبي او الشمالي او يا اخي على سيبيريا انا بقلك انو معقول يقدر يساوي بوظة بلانا, بس طالما عما نحكي عن بغداش الشام فبتصير صعبة الشغلة بلانا
هلق عمي بلاكو بيكون على عيني وراصي ايمت من كان ما بس وقت بدو يعملي جداول المالة ويظبط الكسر تبع ميزانيتي ستي بعد ما قررت تعزمني عبوظة
بس خيو انو بيمشي الحال بلا ما ظبطت هالجداول , او بظبطون بس انا على قد معرفتي .. سعدو يخليلنا الاوبن اوفيس والي بيخلينا نستخدم برامج حسابية ببلاش وبلا محاسب
بعدين اصلا كل واحد بدمو في شرش محاسبة , يعني بالنهاي ما حدي بيموت من الجوع لانو خربط بترتيب الجداول , بس ما حدي بيقدر يعيش اذا حدي خربط بحساب الباطون تبع البناي , او الكبلات الي لازم توصل الكهربا عالبيت
وبعدين بلا هدول الدكاترة ال هع هع ما كان بيكون الله مادد عمر ستة لهلق لحالو بدون هالكمشة الادوية الي عما تاخدا, بس بنفس الوقت ما كتير رح يأثر عالدكتور اذا مافي حدي بيعملو جدول الصرف تبعو

ومشان البامبيرز , اصلا بلانا كنت بتكون انتي لازم تلف ابنك يا بورقة شجر يا اما تجاوزا بشي قطعة قماش وكل ما يعمل تحتو بدك تروح تغسلة عايدك

خيو من الاخير نحنا بلاكون فينا نعيش وكلو عادي , بجوز فينا نعتبركون رفاهية مثلا
بس انتو بلانا بتضلو بلا لا شغلة ولا عملة وبتصير بس هوايتكون تعبو جداول بهالكام ليرة الي عما يبترعولكون فيا العالم ادام الجامع وبتشوفو شو احسن طريقة لصرف هالمبلغ الكبير الداخل علة ميزانيتكون وشلون بدكون تدفعو هالمبالغ الصغيري تبعيت الكهربا والتلفون والمي

حياتنا بلاكون سلطة, بس انتو ما بيضل عندكون حياة بلانا