اقتباس:
|
اما انو لازم طلع ابعد من انفي , فياريت تطبق هالحكي على نفسك بالاول , لانو انت وامثالك عندكن قاعدة ذهبية ما بتحبو تفكرو فيها وهي انو في طرف بهالمجتمع هو الشر المطلق وهو سبب كل الماسي الاجتماعية اللي عم تصير ونقطة على السطر . غير هيك ما عندكن
|
هاموش اول الصفحة
__________________________________________________
مع انه ما اله علاقة بالقصة .. بس حابب اشوف من منظورك مين هنن امثالي
__________________________________________________ ____________
قاعتدي الذهبية اللي اول مرة بسمع فيها من على لسانك مافهمت شو هوي اعتراضك عليها
بالأخير بدك تقيس مجتمعنا بيطلع معك بكافة الاشكال والمقاييس مجتمع فاقد لكتير من القيم فاقد لكتير من المعاني واقرب ما يمكن للمجتمع المتخلف ... على كافة الاصعدة بدئا من اسلوب الحياة والحدود الدنيا معها لحتى تصل لأعظم مستويات العلم والمعرفة بيطلع معك بكافة المقاييس مجتمع يعاني من التخلف
الشي كل مين بينسبه شكل
انت اعتبرتني بنسبه (( للشر المطلق )) اللي ما بعرف شو انت بتقصد فيها
يمكن انت بتنسبه للنظام الحاكم (( متل ما مبين من كافة ردودك ))
يمكن غيري بينسبه للقوى العليا
يمكن غيرنا ينسبه للصرصور وبقية الكائنات الحية
حاصله
ما بدنا نختلف على المصدر لأن بالأخير اختلافنا هاد ما حيوصل لنتيجة بدنا نبدا من نقطة شوي قريبين فيها على بعض واللي هية انه بالنهاية في عندنا مجتمع بالغلط لصق فيه لقب (( مجتمع )) لأن لقب (( غابة )) كتير مناسب لوصف هيك تجمعات .ونقطتك المشلوفة على السطر لحد اللحظة ما بين معي شو وضعها لأن عادة بتجي النقطة كحتام لفكرة ولا مرة شفتها بحياتي ختام لجملة لا تحمل فكرة ... فنقطتك غريب وضعها وبحاجة لشرح كتير .
اقتباس:
القصة امامك واضحة, انسانة غيرت دينها , ليش ليتدخل اكبر مرجع ديني وقال شو بيعمل اعتكاف وبيحرد ليسلموها للدير ويحبسوها في وتختفي بعدها وما حدا بيعرف مصيرها
|
صدقا
فرحت كتير وقت حسيتك قريت الخبر
بس
برجع بقول لك طلع شوي ابعد من انفك
لاحظ المفردات اللي انت استعملتها
(( تدخل )) (( اعتكاف )) (( حرد ))
مبدئيا هي ما بختلف معك عليها وما بختلف عليك انه عيب على سلطة دينية تمارس متل هاد النوع من النصرفات وانا مقتنع جدا انها احد اشكال (( التعفيسات )) اللي تمارس باسم الدين .
لكن فكرة (( سلموها للدير ))(( حبسوها )) (( اختفت )) بتستاهل وقفة كتير قدامها بس مع عدم احترامي للسلطة الكنيسة وقت بتحط حالها بهيك موقف انا لسع فيني بذرة امل ورجاء وتفاؤل خصوصا بعد اني ما شفت جملة (( هدر دم )) .
اقتباس:
والقصة عم تتكرر كل ما حدا بدل دينو , وبتتحول لقضية سياسية وقضية اضطهاد ديني , وكانن بدن يقولوا انو مستحيل مسيحي بارادتو يصير مسلم 
|
هلق اولا ما بعتقد السمايلي اللي استعملته مناسب لموضوع بعناوين الاخبار بتحب تعبر عن استيائك عبر بس استعمل اسلوب شوي لزبط .
تاني شي خلي كلامك شوي واضح اكتر
مين اللي بدن يقولوا ... لأن صيغة الجمع بتجي باغلب الأحيان للتعميم اكتر منها للتوضوح فبعد اذنك ممكن تقول لي مين اللي شعرت انهم بدهم يقولوا انه مستحيل مسيحي بارادتو يصير مسلم .
اقتباس:
|
برجع وبقول تحويل الدين قضية شخصية , وتحويلها لقضية سياسية هو المشكلة الاساسية
|
على فكرة قضية شخصية انا معك قلبا وقالبا وما بختلف معك ابدا بأي جزيئة من اللي قلته لأن العلاقة مع القوة العليا (( الله في حالتنا هي )) حرية شخصية والانسان حر في احيائيها تحت باب الدين اللي بشوفه مناسب اكتر او بقربه لله بشكل اكبر
لا بل انا بقول انه اختيار (( اللادين )) يعتبر احد الخقوق الشخصية يعني مثلا انا مسلم وهلق جاي رمضان من حقي انزل على الشارع وانا عباكل كيس بطاطا او عبدخن بالطريق
او
انا مسيحي وباسبوع الآلام من حقي انزل على الشارع وانا لابس اخضر واصفر وعبنط وارقص وفرحان ومبسوط
هاد (( نظريا )) من حقي لكن على ارض الواقع عبصير هاد الشي ؟!
ردا على اسلوبك الراقي مش حقول لك احترم شوي نوعية النقاش لأن كتير صرت متأثر بفايز قزق وبسام كوسا
كل اللي بدي ياه تحكي معي بلا رموز ومعادلات يعني مين انا ومين امثالي برأيك .
اقتباس:
بتبلشو بقى هددوا بالقتل, هرب من بلدو , مابعرف شو صار كمان , شو هالتخلف شو هالدين
بس لما العكس يصير بتصير قضية فيها نظر والها ابعاد ونحني مو فهمانين الق
|
ليش مصرّ تقلب الموضوع لغير منحاه ما بعرف مع اني بعرف صاحب الموضوع بكون جدا حريض على موضوعه ليحقق غايته " ان وجدت في متل هيك حالات "
بس بدي اسألك
ما بصير عمليات هدر دم للمسلم المرتد
هاد الشي " انا وامثالي " عمنجيبه من عنا ولا بصير على ارض الواقع
بتجب
بجيب لك اسماء اشخاص مهدور دمهم بشكل علني وعلى صفحات الانترنت
بالتالي ما عمنخترع نحن او عمنلزق صفة هدر الدم من السما
وعلى جملة : لما العكس بصير
انت برأيك بالأصل صار العكس ؟! في دم انهدر ؟! في حدا هدد بالقتل ؟! في حدا اجبر على الهروب من البلاد او الموت ؟!
ارجاع اقرا الموضوع اللي يفترض تكون قريانه من قبل ... ورد لي خبر .