اقتباس:
كاتب النص الأصلي : gabriel
بس حابب اطلب منك تفرق شوي بين تصرف اجتماعي نابع من بيئة او جماعة او مجموعة او تجمع او ايا كان يكن التسمية اللي بتحب تسميها
وبين احدى الفرائض الواردة بالدين من جهة تانية
يعني بالمشرمحي
المسيحيين فيهم يعالجوا المشكلة كونها تندرج تحت باب المشاكل الاجتماعية وبالتالي حلها بينبع او بالأصل بيصلح يكون احد اهداف الاصلاح الاجتماعي
بينما الاسلاميين بيتندرج الفكرة تحت باب الشعائر الدينية تحت باب المرتكزات وصعب يفكر واحد يغير فيها
فهمت قصدي ولا متل العادة ....
هي اذا اتجردنا من الخبر وجيت للهدف اللي حضرتك مشانه نقلت الخبر واللي لخصت فكرة بالجملة هي :
فبرجع بقول لك من طرف في متل ما قلت مجتمع بيفرض وهاد في اله حل
ومن طرف تاني في شي اكبر من البيئة اكبر من التقاليد ... في عندك فرائض بالطرف التاني
هي اذا ما بدنا ندخل بالخبر اللي متل ما قلت لك بيحمل كتير من الملابسات اللي بيستاهل الواحد يوقف عليها بس بدي احكي معك بالهدف اللي مشانه نقلت الموضوع لأني متأكد انك غير مهتم بالموضوع قد مانك مهتم تأبرز الفكرة اللي حكيت عليها .
|
لعمى شلون هيك يا زلمة افشتني وكشفت مخططي الشرير ,
اول الشي يا حبيب , مابسمحلك تجي تحكم على نيتي من نشر الموضوع , تاني شي في عضوة كتبت رد وقالت انو لو صار هالشي عند الطرف الاخر كانو ردوا بنفس الشي وانا قلتلها انو صح وهالشي موجود عند الجميع وبس هيك
تالت شي مو انت اللي بدك تقعد تحكم على دين من الواضح من ارائك بهالمنتدى حقدك الشديد علي ,
قضية تغيير الدين بالاسلام مختلف عليها وبشدة ومو كل المسلمين بيقولوا بقتل من يغير دينو وعلى كل مو هي القضية هون
القضية عدم تقبل الانسان الشرقي لحرية الراي , وعدم تقبل المجتمع بشكل عام لقضية تغيير الدين
وفضلت على راسنا يا غااااالي بمشاركتك العظيمة