09/10/2004
|
#57
|
مشرف متقاعد
نورنا ب: |
Dec 2003 |
المطرح: |
نص الحميدية |
مشاركات: |
2,698 |
|
ابو وديع اتاخرت كتير
ابو وديع اتاخرت كتير
عنوان لحفلة خاصة لابو وديع عملتا قناة روتانا وبثتا مبارح الجمعة من الساعة 10 المسا لحد الساعة
وحدة و تلت , وسلموه باخر الحلقة درع ذهبي ماحدا اخدو من قبل ...بوجود عدد من رفقات الوسوف
وهن عبدالله بالخير , ليلى غفران , طوني ابو الياس , ميرنا خياط ابو الياس , طوني قهوجي , جواد العلي
فارس كرم ,نيشان مذيع النيو تي في .
هلق هاد كان مختصر شو صار ب 3 ساعات وتلت لانو اذا بدي قلكن كلشي صار بدها كتب مو جرايد
لانو الوسوف بالحفلة ما خللى شي ما عملو, ما خلى حدا ما بهدلو ما عاتبو ..... فش قلبو عالهوا ... حتى انو بهدل مسؤلي روتانا واحد واحد
عاتب كاظم الساهر وملحم بركات ,الشيف رمزي وكتير غيرن, دافع عن فارس كرم ومعين شريف حتى انو حكي عن الحماصنة وقال ((انو هو بحب التكنولوجيا والاختراعات الجديدة من سيارات وموبايلات والكترنونيات
حتى انو وقف فيديو كليب عم يعملو مشان يشرحلو لطوني ابو الياس عن موبايلو الجديد ولما سئلتو المذيعة عن سبب حب
التكنولوجيا جاوب بكل بساطة :انا حمصي شلون ما بدي حب التكنولوجيا :P ))
وخلال هالاثناء ومن اول الحفلة لاخرها والجمهور كلو بصوت واحد : ابو وديع ...ابو وديع 123 وسوف يا حياتي
لدرجة انن ما عد قدر الوسوف وضيوفو يحكو حتى طلب الوسوف من الجمهور انو يسكت ومع هيك ما حدا سكت هاد بالاضافة للشعب اللي
كان ناطر براة الاستوديو بالميات غيرعجقة المعجبين يللي وقفت حركة السير ببيروت حوالي الاستوديو قبل ساعة من بدا البرنامج غير العالم اللي صارت تهجم عليه تبوسو جوا الستوديو وهو عم يغني ..
وسوف
ولسه قد مااحكي مارح انقل ربع اللي صار.......
يعني بصراحة عقولة الوسوف ((كبر قلبنا)) بهالحفلة.....
وبظن ((بعد اذن ارتشيكلتشر)) انو لما بحكي بحكي عن شلة الوسوف موبس عن حالي
وعن محبين الوسوف اللي حضروا الحفلة ....
والله كنت حابب حط اعلان قبل الحفلة مشان الكل يحضروها بس عذروني لانو ما كنت بحمص هالاربع ايام الماضين
ومحل ما كنت ما كان في انترنت بقا لا تواخذونا
MLUM
|
|
|