اقتباس:
لأ ما اختلفت معي بنوب... ما انا عم اتهكّم من انتظار جميع معجزات الدنيا من أوباما (كون تصليح رصيف شارع بيتنا من المعجزات اعتبرو) و كل واحد لاف رجل ع رجل ببلادو و يعمل شغلتين:
1- يحمّل أميركا مسؤولية احتراق طبخة مرتو اذا لزم الأمر (و ما اختلفنا, يجوز مسؤولة و إلى حد كبير, بس لو مانك مستوطي حيطك و جايب الدب لكرمك ما كان صار هالشي).
2- ينتظر من اميركا حل كل شي ..يعني الموقف السوري من المفاوضات الاسرائيلية.. انو أوكي منعمل مفاوضات غير مباشرة بتركيا, بس ما ننتقل ع شي رسمي ازا أميركا مش موجودة.. لك طيب مو عم تسبسب بأميركا انت ليلك نهارك؟ ليش انت لحالك بدك ياها تجي تشرف ع حل مشاكلك؟ قال لأنو بدنا أميركا تضمن... أي شفنا شو ضمنت أميركا لياسر عرفات...
سلامات 
|
هون انا مدين الك باعتذار لأني قرأت هالفقرة بشكل سريع بدون تمعن .. انو وجه الصبح وبتعرف النعس شو ترتيبو
إذا هيك متفقين
تحية لروحك الطيبة
