[yass]

نسينا محمود عيسى ؟؟؟
سؤال خطر ع بالي كتير ..

لأ ما نسيناه طبعا.. لكن بهيك حالات, خصوصا لما في وحدة حال و مصير.. بتّاخد الـ موست ريبريزينتاتيف كرمز لقضية معيّنة (مثل فداء حوراني بقضية معتقلي اعلان دمشق).

يعني يؤخذ كرمز لقضية طبعا موجود فيها محمود عيسى

المهم بهيك حركة الاستغلال السياسي الها ما روح الناس يلي انقتلت ... وبلشت تظهر نتائجها .. اكيد عندك خبر عن الكركبة يلي صايرة هلق بلبنان ...التحرك القانوني ما بيعطي فوائد متل التحرك الاعلامي

لأ هون بدك تسمحيلي.. يا ماارخص الدم السوري اذا سعرو كم مسبة بشي جريدة أو بشي تلفزيون.. التحرك الاعلامي مانو الا ضجيج اذا ما اقترن بتحرّك قانوني, انو يكون مواكب لتحرك قانوني لكسب الرأي العام أوكي ممتاز و عظيم كتير و الله و ايدكون

لكن لما الحل يكون فقط اعلامي.. فهو عبارة عن -مثل ما قلت قبل- ضجيج رح يخف و يخفت بعد فترة.. و ما رح يأثر بشي..

كيف؟؟؟؟؟؟؟؟؟؟؟؟
كانت احسن يعني بعهد بيل كلينتون ؟؟ ما بنكر كانت اخف بس امل ما يعمل اوباما عملية ثعلب الصحراء مرة تانية .. بس بشي بلد تاني مجاور.. باعتبار العراق هلق محتل وخالص

ما وصلت فكرتي...

أنا قلت انو شخصيا أملي قليل لدرجة انو يكفيني انو خيو يكون متل كلينتون, و متل ما تفضلتي, عهد كلينتون كان أخف من عهد بوش, و علينا كسوريين كان أخف بكتير (يكفي ما كنا محاصرين و كان في علاقات يمكن اعتبارها جيدة من جميع النواحي, بتوقع ما مرقت علاقات أفضل بين سوريا و أميركا متل عهد كلينتون)..

مع ذلك أنا معك.. أخف بشوي... بس شو احسن؟ اخف بشوي و للا أسوء بكتير؟ ما عم قول مش ممكن تكون أسوء بكتير.. بس بيظل الأمل انها تكون أخف بشوي, ما بدي أكتر أنا




تحياتي سونا و شكرا لمتابعتك