[الموسيقار]

شعرت بهاد الشعور ؟؟

أنو قعدت شي يوم قدام حدا عم يبيض عليكـ معارف .. ومدري كيف مغصكـ بطنكـ على واقع .. أنو أنت (نايم بالخسة ) .؟

ولا حرف لأنو صارت معكـ.

هلأ ببساطة لا تنؤز كتير .. وتوجعكـ كرامتكـ .. شنو آلاف مؤلفة من الخواريف اللي بتشوفها على مد عينكـ والنظر .. عبارة عن نزلاء دائمين .. في الـ خسة (آنفة الزكر)


هلئ بيجوز يمغصكـ مخكـ ع كلمة نايم بالخسة من الأساس .. ( أنو شو عم يبيض ع ربي هاد الموسيقار ) ؟

شو يعني المصطلح بحد زاتو .. ما الخسة عنصر هام وحيوي من عناصر الصلطة ...

وطالما أنت نايم بالخسة .. فاتطمن أنو حياتكـ آت أووول .. عبارة عن صلطة ..

بس أكيد مو هي الصلطة تبعيت الفيتامين والمعادن .. هالصلطة يا معلم شي بيشبه عجقة عالم واقفة .. من هون ها .. من ضيعتكـ . وعم تحكي ع (البروليتاريا) مثلا ً .. تخيل معي ! ... لعما والله صلطة .

شوف حبيب .. لا تخلي حدا يوهمكـ .. أنو هو يقع خارج حدود الخسة إياها ..

خاصطن أنو كل ما يطلع بالأخبار أنو فلان من مدغشقر اخترع رقاقة الكترونية .. ابعادها بالميكرونات .. بتمغصني الخسة .. وببلش أتثاءب .. أنو أخ ما أحلا الشنخرة .. والخنفرة .. يا زلمة ما بوصفلكـ شعوري .. سويت باوتيل سبع نجوم مو هيكـ ..

بعرف نعستكـ عزيزي نزيل خستنا المحترم .. بس خود هي .. واشلخها نومة :

بحياة الله اللي اخترعكـ . .. لما عرفت أنو اسرائيل .. أخدت مساعدات عسكرية من أميركا .. بقيمة 30 مليار دولار .. ما تشرطوا حناككـ من النعس .. وحضنت خستكـ من جوا طبعا ً؟؟ (لأنو ما بيصير تنام بالخسة من برا لازم تكون أنو هيكـ محطضنطكـ شلون الوالدة ؟؟ ع نفس الشاكلة)

يلا اطرخها قيلولة الله ربها .. وادعيلي .. ولا تتدايق أزا حدا باض عليكـ كتير حكي .. زي أفضالي .. لأنو حضرتو أكيد جاركـ بالسويت اللي جنبكـ بأكدلكـ ... حتى لو هوي حاول ينفيلكـ .


ولازم تعرف أنو شعارنا .. يا خاي .

لسنا الوحيدين .. ولكننا . الـ ... أخضر