السلام على الي بدو يقرا هالموضوع
انا قررت اليوم اني اترك الاخوية وارجو من اصدقائي انون ما يزعلو منى
لكن بعد العدد الكبير اللي صار بالاخوية صار هناك نوع غريب من العنصرية وما بفوت عالاخوية لاشوف اخر الموضوعات إلا والاقي موضوعات جديدة يسب فيها المسلمون ويهانون
ما بعرف ليه بيصير هيك مع ان المفروض اننا انسان مش مسلمون ومسيحيون
يعني انا عن نفسي يعلم الله انو في كتار من اصدقائي هنا بالمنتدي وبالحياة ما بهتم انو اعرف شو ديانته لأن باختصار شديد ليس كل المسلمون مسلمون ولا كل المسيحيون مسيحيون
بتعرفو ليه؟
لأن الواحد من هدول صار يحمل ديانته بالهوية فقط يعني ما اختار المسلم انو يكون مسلم ولا المسيحي اختار انو يكون مسيحي
اتمنى ان تكون نظريتي وصلت واسمحولي فقط ان امر على هذا الموضوع في الايام المقبلة حتى ارد على من اهتم وعلق على موضوعي أما باقي الاخوية فلن يبقي لي منها سوي بعض الاخوة والاخوات المسيحيين قبل المسلمين اللي اضفتهم للماسنجر عندي
الوداع يا احلي ايام رأيتها
رح اشتقلكم واشتاق للأخوية وشلة زعيم الامة
وشلة الاخوية جروب