اقتباس:
حسنين هيكل 
|
لا تقلي هالمعلاق كمان صاير يغنّي! بنتحر ها
هلأ أنا فهمان ع أب سمرا, و فهمان ع أب نهلة (روح يا توافقي
)
بعتقد انو مافينا نعمل فصل ما بين تقيل و خفيف, لأنو متل ما تفضّل أبو نهلة هاد أمر يرجع لذوق الواحد, يعني مثلا جوليا في ناس يشوفوها قمة الثقل, أنا في الها أغاني بشوفها خفيفة.. و قيس ع هالمقياس
بعتقد فينا نعمل فصل يجوز مانو واضح جدا, و يجوز ما واضح بنوب, بين ما هو تجاري و ما هو غير تجاري (و أنا أرفض انو يكون كل شي انباع كتير هو تجاري.. رفضا قاطعا) انما تجاري هو ما ينزل و اللي منزلو عرفان انو مبتذل و يجوز متكرر لشبعان, ما ناتج عن حالة فنية انما عن رغبة تجارية بحتة..
بعدين بتلاقي المزيج... اللي انا بشوفو بكاظم الساهر, بعتقد انو فنان حقيقي, لكن كمان بعتقد انو الملحنين تبعو لازمهون اعدام ... و قمة بالابتذال
و هدول تشوفهون و تعرفهون... من موديلاتهون لطريقة طرح البوماتهون عالأسواق. الخ الخ الخ
لكن بتظل القصة ذوق شخصي و رأي فني.. و متل ما تفضّل أبو نهلة (متفضّل كتير انت اليوم حجي!
) ما بسمع كتير رأي النقّاد.. لا بالموسيقى و لا بالكتب و لا حتى بالسينما (يجوز بالسينما أقرا لشي واحد قبل ما احضر الفيلم.. لكن ما ابني رغبتي بحضورو أو عدمها على رأيو)