اقتباس:
كاتب النص الأصلي : BL@CK
فيني أنا قول شعبنا عندو الإستعداد ليكون متل ما قلت أما أنو يكون " مكافح و مناضل و منتج "
بتوقع فيني أطلب منك لشو عم يكافح شعبنا غير لـ لقمة الخبز .
و لـ شو عم يناضل غير ليقدر يعيش ولادوه على حد الكفاف ..
و شو عم ينتج إذا البنزين اللي من المفروض يكون عنا أرخص من غيرنا بإعتبار عندنا إكتفاء ذاتي ؟!
وين الإنتاج الللي عم تحكي عنوه ..
عذرا ً صديقي لو طلبت منك كم دليل عملي عا حكيك ..
|
حبيبي حكمك كانه كتير حكيم ؟
حكمت عالشعب بسعر البنزين و نسيت كل مجالات الحياه التانية؟
بدك ادلة عملية ماشي بس بخاف ما خلص كتابة حتى اشعر اخر بس رح اعطيك اجوبة تتناسب مع طلبك (الي يا صديقي عم تبحث عن عيوب وسلبيات و تتناسى كل الاجابيات لانك عم تشوف الواقع من منظار واحد منظار اسود متل قلوب بعض الناس)البنزين و النفط بشكل عام ارتفع عنا منذ فترة بسيطة بعد ما معظم دول العالم رفعت اسعاره المنتجة و المستهلكة منها على حد سواء بسبب الرتفاع العالمي و انخفاض الدولارو مشاكل مع بعض الدول المنتجة متل ايران
بعد ون الاكتغتء الي عنا الي عم تحكي عليه نحن مستهلكين للنفط واذا كان عنا شوية نفط عم يتصدر خام و نجيب بدل من نفط ابيض (يا معلم ) نحن ما منتقارن مع الدول المنتجة العملاقة الي كل العالم بتعرفها و مصنفتها
قارن سعب مشتقات النفط عنا مع دولة متلنا مستوردة و شكور ربك عالاسعار الي عنا حتى بعد الارتفاع
و يا حبيبي ليش حضرتك ما بتعرف انه المازوت عنا (الي هو ارخص من المي عند بعض الدول )عم يتهرب بشتى الوسائل للدول المجاورة الي هي بالمنطقة عنا ما فكرت تقول هيدا انجاز انه عنا سعر المازوت (الي هو عصب الحياه عنا و بمعظم الدول )مو بس رخيص حتى قاهر كل الاسعار شو تركيا شو ف لبنان شو الاردن شوف..................................
بالمجال الزراعي روح و اسال كم مادة عم نصدر للدول الشقيقة (باسعر رمزية )و للاجنبية بسعر معقول بعد الاكتفاء و التخزين
الصناعة روح زور غرف الصناعة و شو ف المعامل و المصانع و شو ف الانتاج و التصدير
التجارة معظم الشعب بيعرف بالتجارة و كانه بالفطرة و حلب اكبر شاهد
التعليم ؟شوف الجامعات و عد طلاب وعد المجالات وخود خريجين
ثقافة ؟الشعب كله مثقف و فهمتن
بكفي انه التعليم مجاني بكفي نعمة من نعم سوريا (يا رجال معظم الدول التعليم عندها ماجور ولو كان عنا بسوريا هيك كنت عرفت شو يعني ماجور وكل عيلة عندا ما شاء الله كذا تلميذ او طالب اذا كانت العيلة صغيرة (موعادة العيال السورية)كان الاب و الام والعيلة ما حسنت تعيل طالب واحد
المعاش اكتر من كويس (لا تقارن مع معاشات الغير بالقيمة بس بجوز بدول الجوار او حتى الاجنبية و البعيدة اضعاف رواتبنا بس لا تنسى اسعارون ضعف _التعليم عندون بمصاري _الضرايب عندون اضعاف _الاجارات اضعاف )هي المقارنق الواقعية و الصحيحة واذا عملت هيك مقارنة رح تقول نحن منتجين و مبدعين ومكيفين
وهو مكافحين من اجل لقمة العيش الي هي واصلة لفم كل مواطن من الولادة حتى الممات وبعد الممات و بارخص الاسعار وكانه مو بتولد معه لا قبل
الصحة ؟روح شوف تكاليف العلاج ببلاد العالم و تعى لعنا لتعرف نعمة المشافي الحكومية و اسعار الادوية ةالازدهار بمجال الصحة و مصانع الادوية
اذا بدك تقلي المشافي الحكومية فيها اخطاء رح قلك بكل دول العالم هيك و عنا اقك الاخطاء و مع هيك بتشوف المشافي الحكومية مليانه
حبيبي اعذرني عن جد تعبت وانا عم اعطيك امثلة
وعلى كل الاحوال اذا عندك شي مجال شاكك فيه قلي عليه لاعطيك انجازاته
بس انت عطيني ولو مثال واحد مغاير او بدل على انه الشعب مقتنع ورضيان بواقعه و ما عم يعطي و ينجز..................
وفيك تتعاون مع الاخ yassالي انا ما فهمت شو بدو من الشعب شو لازم يعمل الشعب
اذا الشعب مقتنع بواقعه (مع انه عم يطمح للافضل ويشتغل للمستقبل )بكون من قناعة انه واقع كريم مشرف
افضل من كتير دول قريبة و بعيدة صديقة و عدوة عم تنظر الها بعض النفوس المريضة
الواقع اكثر من جيد و معافة بس في بعض النفوس ما رضيانة تتعافة او تتعالج ما بعرف ليش او بشو موعودة
تقبل تحياتي الواقعية