[أبو عبسي]

بس للدقة الوشاة كان منهم ابو فراس الحمداني ووقتها يعني وقت تقاتل المتنبي مع سيف الدولة كان عم بيقول قصيدة فمدري شو قال بيت مانو بذاكرتي هلأ فقالوا أبو فراس مع بعض الشعراء التانين يلي بيكرهرو أنو العمى بقلبك شو أنت أحسن من سيف الدولة حتى تقول هيك-لأن المتنبي كان عم يمدح حالو- فقام سيف الدولة صفقوا بمفتاح كبير و صابو براسو للمتنبي فقام المتنبي و قال بيت ختم في القصيدة و طلع زعلان..
و اللي قتلو ماكان هو اللي انهجا بل اختو و من ظرافة القدر أنو وقت صارت المعركة اللي رح ينقتل فيها المتنبي , كان المتنبي ناوي يهرب و لكن قبل ما ينفد بريشو إجا عبد و من عبيدو و قالو:
ماأنت اللي قلت..
الخيل و الليل و البيداء تعرفني و السيف و ارمح و القرطاس و القلم..
و هلأ جاي تهرب
فجاوب المتنبي ::قبحك الله فقد قتلتني..
و عاد المتنبي للقتابل و قتل ..
و سلام..!