[SABE]

مرحباو شباب و صبايا... بعرف الموضوع صرلو زمان كتير بس هلأ حتى إنتبهتلو

في كام رد ما قريتون لأنو الموضوع كتير طويل, بس حبيت رد هون لأنو كتير مفكر بهالموضوع من قبل .

أول شي بقلكون شو بيعصبني بهيك مواضيع, كلنا منعرف إنو بهالمواضيع هاي في نظريات و بس ما في إثباتات ولا على أي شي .. يعني أي مننا ممكن يتبنى أي نظرية بتخرطلو مشطو ويقول أوكي أنا هيك بفكر , و بعدها بيرد عليه حشت نشت و بيقول شو الإثبات !!!
بس الأحلى من هيك , اللي بيدخل لمناقشة هيك مواضيع و بيدخل فيها النظريات والجمل اللي بتطبق على الموضوع من الديانات (( أنا عمبحكي هون بشكل عام , مشان ما يصير زعل أو سوء فهم ))

هلأ وجهة نظري للموضوع, اللي متناقضة مع بعضها نوعاً ما ...

إنو الجسد و بتركيبتو الكيميائية (( و خصوصي الدماغ )) هو المسؤل عن وجود النفس, إنو متل الكمبيوتر لما منشعلو و منفتح شي لعبة, اللعبة موجودة , بس هي عبارة عن برنامج مسبق البرمجة, ولولا وجود الكمبيوتر ما كانت اللعبة إنوجدت , و هالشي ما منختلف عليه, اما نحنا برمجنا نفسنا من خلال القدرة على التعلم و التأقلم و التطور .. أوكي هلأ لو النفس أو الروح مانها موجودة ما كانت وجدت هالقدرة على التعلم ..

لو إفترضنا من ناحية تانية إنو بسبب التركيب الدماغي للبشر, و هالتركيب متطور لدرجة إنو بيقدر يعطي لكل مننا شخصية كاملة أو نفس أو روح ... أو أو .. متل ما كل واحد بيسميها, بيجي السؤال, لو تطور البشرية وصل لمرحلة إنو قدر يخلق جهاز بيضاهي تطور الدماغ, ممكن يكون لهالجهاز القدرة على خلق روح أو نفس ؟ و القدرة على تطوير نفسو بنفسو , و بعد فترة من هالتطور يقدر هو كمان يخلق إختراع تالت بهالسلسلة (( أنا قلت تالت على إفتراض إنو نحنا رقم واحد, بيجوز نكون نحنا كمان شي رقم بهالسلسلة ما هيك ؟ ))

يا جماعة والله تسالي التفكير بهيك شغلات , الله وكيلكون حشيش على الآخر

بس الفكرة هاي تبعيت الأجيال فكرة رهيبة ممكن تتطور و تصير فلم سيلما ما هيك ؟

سلامات , و لا تأخزونا وجعتلكون راسكون