[Nasserm]

كاتب النص الأصلي : Nirvana

ومن منطلق الحرص على صحة الشعب المحشش أو الراغب في التحشيش.. سنزيدكم علماً بفوائد التحشيش:

* إدراك أفضل للتفاصيل،، يعني مثلاً مثلاً بتكون عم تحضر شي عالتلفزيون.. بتصير تشوف الألوان صح، بتسرح مع القصة، بتدخل بالجو.. وفي حالات استثنائية يتحول اللونان الأسود والأبيض إلى مزيج من قوس قزح.
* فاتح للشهية من الطراز الأول... يعني إزا بدّك تزيد شي عشر طعشر كيلو كل أسبوع عليك بالتحشيش المستمر..
* يزيد القدرة على التحمّل والصبر ... يعني بتصير معك شي مصيبة مثلاً بالشغل، بتاخدلك كم نفس بتلاقي أنو المصايب عم تتلاشى أو بتنركن عالرف لحالا...
* بتحلّي القعدة... بتكون قاعد بسهرة في كام حدا مو طايقهم.. بتاخدلك نفسين قوايا بالعدد "إذا كان النوع صح".. بالسر أو العلن، حسب مستوى القعدة يعني ... بتسير تتقبل هالناس.. وبتاخد وش عليهم وبتمشي السهرة .


وللحديث بقية...!

فيني ضيف شي؟

أو كتير نضيف هيك؟


أول مرّة -بالقرن الماضي- لما قررنا أبو اللول وأنا نجرّب الحشيشة.. كانت النية مشان نشوف شو دين رب مفعول هالنبتة ع الجسم..

اتفقنا -بعد ما لغمنا سيجارتين حمراء طول فاخر- إنو كل واحد ينجعي بغرفة.. ويحشش لحالو.. ويركّز قد ما فيه.. ويراقب مراحل التحولات التحشيشية اللي عم تضرب على مخو


فـ تسطّحت بالتخت.. وعلى مج بالحمراء.. وكل شوي اختبر قدراتي العقلية قال

شي اتذكر المعادلات التفاضلية.. شي إتذكر آخر برنامج باسكال كتبتو.. وكلو ماشي

يعني الشهادة لله.. ما حسيت ب شي غريب صار معي.. إلا شغلة وحدة ما كتير مهمّة يمكن.. بس رح قولها للأمانة..

وأنا عم قول لحالي "شو هالحشيشة.. إي متل سكرة العرق.. بس على أسرع شوي".. ومنجعي هيك ع التخت.. وإذ.. صار السقف يقرّب.. يقرّب.. حتى حسّيتو رح يدق بأنفي

غير هيك.. كان كل شي طبيعي


هلق أبو اللول.. كمان خبّرني وقتها إنو ما صار معو شي مهم.. إلا إنو.. وهو قاعد ع الكرسي.. يحسّ دماغو جوات جمجمتو عم يبرم..

مو إنو راسو كلو عم يبرم.. لأ.. بس دماغو جوات الجمجمة.. فـ المعتّر يحاول يبرم راسو بسرعة حتى يرجّع الأمور لنصابها.. بس قال ما بيتذكر إذا زبطت معو.. لإنو غفي بعدين


فـ وهيك..

يعني.. فينا نضيف لـ فوائد التحشيش:

* التحليق.. الخفّة.. واختبار شعور روّاد الفضاء بانعدام الجاذبية