مرحبا مريومة
هلاااا
اول شي كيفك؟؟... بالعتابا !!!!
انا بعتبر حالي فاشلي بالعتابا ... مع انو ازا سمعت شوي بيمشي حالي ..
ماغنيت عتابا كتير ..مرة وحدي بحياتي عالمسرح وكانت مخزية
.. بس متل ما قلتلك ازا سمعت وحفظت بيطلع شي منيح ..
اسمعنا تسجيل بصوتك ع اخوية .. ما عاد في جديد؟؟ (ولا انا ما عم انتبه ع الاضافات؟؟)
في جديد بعد هدوليك التسجيلات بس المشكلي انو انا ماعندي ياهن ..
شو بتاخد الموسيقى كمكانة عندك؟؟ هواية وبس ولا بتحبي اتطوريها كمهنة مستقبلا ؟
الموسيقى من انا وصغيري ..كانت هواية ولساتا .. ماما وبابا واخي كلن الن فضل عليي ب انو دربوني ..وخلوني اسمع شي نضيف من انا وصغيري ..
بعدين اجيت عالمدرسي وصاروا الادارة يسمعوا صوتي ..ونمولي ياها كريادة وطلائع واعدادي وثانوي وهيك قصص ..
بعدين صرت بمجال الفرق .. حاليا انا ب 4 فرق ..3 بحمص ووحدي بالشام
ولساتا هواية ... ممكن تطور لمهنة مابعرف الفرصة كيف بتجي ..بس مارح اخد هيك قرار ليكون العرض جدا منيح ومابيئزيني واهم شي يكون محترم .
شو دراستك؟؟؟ وليش اخترتيها؟؟
انو من بعد البكالوريا بلشت اتعلم ع برامج الطيران ..يعني حجز تكتس وهيك قصص ..وعملت كورسات انكلش ..
بعدا عملت دبلوم الاياتا بالسياحة والسفر (الاياتا هيي منظمة السياحة والسفر العالميي اللي بكون مقرا بكندا) ..
رح اعمل الماستر بس مابعرف ايمتا ..
حاليا عم بعمل فرنسي .. وفي كتير شغلات لسا بدي اعملا ...انشالله الحق بس
بتعزفي ع شي الة موسيقية؟؟
كنت اعزف ..
التي الاساسية العود ..بس السماعي عندي كان ولساتو منيح ازا بتعطيني ي الة ممكن اني طالع عليا اغاني ..
بس بدك تستثني الالات النفخية ..الباقي تمام ..
واخيرا
شو رايك بالفانة القديرة سارية السواس!!
مابحبا ...بس انو بترقّص بالاعراس وهيك قصص ...الموسيقى تبع الشعبي كتير بتخليني ادبك يا اختي شو بدك احيانا نحنا بحاجي لهاد النمط من الالحان
(اخدتلي عقلي بعد ما رافقني صوتها ع مدى 6 ساعات وانا مسافرة بالسرفيس
)
كنت قلتلو يشيلا انا ..وقت ما بتحمل او بنزل من السرفيس او بقلو يطفيا ..
اي وهلق حاجة .. بس ممكن ارجع بعدين
اهلا وسهلا