[محمد ابراهيم]

كاتب النص الأصلي : blue eyes

في اسئله بديهيه مالهاش اي لازمه في الدنيا

بنتعرض ليها كل يوم من كل الناس
خلـونـــا نشــوف أمثلة :

ازاي مالهاش اي لازمه !!!!!!!!!
طب الاعصاب حتتحرق ازاي؟؟!!

أنت في أوضتك .. على السرير وطافي النور ومتغطي .....

يجي أخوك الظريف ويفتح الباب عليك ويقول : ايه ياده انت هتنام ولا ايه؟
(( أظن ده مش وضع الرقص !!! واضح ان انا هنام))

وممكن يكون البيت كله ظرفاء
والمصيبه اني مبرقصش اصلا (يعني لا يمكن اكون هرقص )

*******************
أنتم معزومين عند ناس ورحتو لبيتهم وأول ما فتحولكوا الباب
>>يقول ابنهم الصغير " انتوا جيتــواااااااااااااااا
(( لا لسه ))

مش نعمل عقلنا بعقل طفل صغير
بس انا ليا رأي هنا (العيله اللي فيها طفل بهذه الصفه أكيد كلها كده)
بس الواحد ما بياخدش بالو الا بعدين

********************

مثلا ماسك سماعه التلفون وقاعد تضغط الارقام يجي حد من أهلك
>> >>ويقولك: انت هتتكلم في التليفون

(( لا أبتفرج عليه ,, أكيد بتكلم ))

بتحصل كتير معايا
الرد الطبيعي عندي هو
لا دا انا بجرب أزرار التليفون

*****************

ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

(( لاء طالبها اخنق على نفسي))

*****************
أو مثلا في العيد
المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟
>>هههههه هههههه
>> >>ههههههه
المواطن : أقولهم كل عام وأنتم بخير ....
(( أكيد يعني مش هيقولهم البقاءلله ))

*****************
المذيعه الرخمه : وياترى بقى هتعملوا ايه العيد ده هتقضوه ازاي؟
اكيد بيبقى زيارات الأهل و الصحاب و تخرجوا تشوفوا مظاهر العيد
في الشوارع و تفسحوا أولادكم ونتصل بالمعارف نعيد عليهم و نقولهم
كل سنه و انتوا طيبين
(( سبتيله ايه يقوله يارخمه ))

****************
والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!
يعني اساسي الواد لسه ما طلعلوش عرق الخسه علشان يقول لأ ))

*****************

سلسلة العته والسفه التليفزيوني
كلو بيحصل وواقعي